Рудзейка

Рудзейка (Рудзіка, Рудка), Родзейка (Родзіка, Родка) — мужчынскае імя.

Ruadicho
Паходжаньне
Мова(-ы)	германскія
Утворанае ад	Ruodo + суфікс з элемэнтам -к- (-k-)
Іншыя формы
Варыянт(ы)	Рудзіка, Рудка, Родзейка, Родзіка, Родка
Зьвязаныя артыкулы
якія пачынаюцца з «Рудзейка»

Паходжаньне

Асноўны артыкул: Імёны ліцьвінаў

Родзіка або Рудзіка, пазьней Рудэк (Hruodicho, Rodicho, Ruadicho, Rudek^[1]) — імя германскага паходжаньня^[2]. Іменная аснова -грод- (-род-, -руд-) (імёны ліцьвінаў Рудалт, Родмант, Эйруд; германскія імёны Rudolt, Rodemund, Eirodus) паходзіць ад гоцкага hroþ 'слава, перамога'^[3].

У 1626 годзе ў Каралявецкім унівэрсытэце навучаўся Jacobus Rodig, Witthenensis Borussus^[4].

Варыянты імя ў гістарычных крыніцах: у Колтянех Визбору пять чоловековъ: Рудеику а Деркгъвоинъ (1440—1492 гады)^[5]; у Болниках Радивилу Остиковичу шеснадцать чоловеков: Родеика (9 лістапада 1449 году)^[6]; in curia nostra Rudicowicz (17 ліпеня 1450 году)^[7]; homines illiberos Rodeyko (28 траўня 1522 году)^[8]; Юрыи Родиковичъ (1528 год)^[9]; Федько, Ярмошъ, Родихъ Кокоречичи (1563 год)^[10]; Andrzey, Stasz a Sthepan Rudzikowiczy, doylidy Mostowsczi (1558 год)^[11]; Гапонъ Рудикъ (12 ліпеня 1560 году)^[12]; Jurko Rudziekowicz (1563 год)^[13]; Совостюкъ Рудиковичъ… Яковъ Рудиковичъ… Гринъ Рудикъ, войтъ Охоновъскій (24 красавіка 1580 году)^[14]; челед неволна: Кгенъдрута Рудеиковна (22 кастрычніка 1593 году)^[15]; Валентей Рудиковичъ… Мартинъ Рудикъ (23 кастрычніка 1597 году)^[16]; Sophia Rudykówna (1675—1677 гады)^[17]; Rudziki (1744 год)^[18]; Marcin Rudzikiewicz (1777 год)^[19].

Носьбіты

• Юры Родзікавіч — баярын Ковенскага павету, які ўпамінаецца ў попісе войска Вялікага Княства Літоўскага 1528 году

Радкевічы (Rodkiewicz) гербаў Ліс, Лук, Пабог, Рудніца і Ястрабец — літоўскія шляхецкія роды^[20].

Рудкевічы (Rudkiewicz) — літоўскі шляхецкі род^[21].

Руткевічы (Rutkiewicz) гербу Ястрабец — літоўскі шляхецкі род зь Лідзкага павету^[22].

Радкевіч (Rodkiewicz), Родзік (Rodzik), Раткевіч (Rotkiewicz) і Руткевіч (Rutkiewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[23].

На 1905 год існаваў маёнтак Рудзейкаўшчына ў Ваўкавыскім павеце Гарадзенскай губэрні^[24].

На 1906 год існавала вёска Родзікі ў Дрысенскім павеце Віцебскай губэрні^[25].

У былым Жамойцкім старостве існуе вёска Рудыкі, на гістарычнай Вількаміршчыне — Рудыкішкі, у гістарычнай Прусіі — Рудэкен.