Ужыкі

У́жыкі (па-польску: Użyki, па-падляску: Úžyki) — прысёлак вёскі Агароднікі ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ужыкі (неадназначнасьць).

Ужыкі
польск. Użyki
Першыя згадкі:	1576
Былая назва:	Гужыкі
Мясцовая назва:	Užyki
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-100
Нумарны знак:	BBI
Геаграфічныя каардынаты:	52°43′56″ пн. ш. 23°0′58″ у. д.
Ужыкі на мапе Польшчы Ужыкі

Ля вёскі працякае рака Арлянка.

Насельніцтва

Жыхары Ужыкаў ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Нараджэньня Яна Хрысьціцеля ў Пасынках^[1]). Каталіцкая частка насельніцтва (парафія Промыслу Божага ў Бельску-Падляскім^[2]) па этнічных ідэнтыфікацыях — польская.

Гісторыя

Назва вёскі паходзіць ад старацаркоўнаславянскага слова оужик, якое абазначае сваяка. У Ўжыках у 16 ст. існаваў фальварак бельскага стараства, пры якім пражывалі мужыкі-агароднікі (атрымвалі яны невялікія ўчасткі зямлі і былі абавязаны да працы ў фальварку). Дзякуючы гэтым мужыкам была заснаваная вёска Агароднікі (узгадваецца як самастойная вёска толькі ў 18 ст.). Фальварак быў даволі вялікім, так як працавалі ў ім жыхары войтастваў з цэнтрамі ў Зыгмунтове (7 вёсак), Галадах (3 вёскі), Крывятычах (3 вёскі) ды Зубаве (3 вёскі). У 19 ст. Ужыкі ўпершыню перайшлі ў прыватныя рукі — расейскай сямі Фядоравых^[3]. У міжваенны пэрыяд Ужыкі прыналежалі да гміны Пасынкі Бельскага павету Беластоцкага ваяводзтва. Пасьля Другай сусьветнай вайны былі далучаныя да гміны Бельск-Падляскі.