Уладзімер Жбанаў

Уладзі́мер Іва́навіч Жба́наў (26 студзеня 1954, в. Станькаў, Койданаўскі раён, Менская вобласьць, цяпер Беларусь^[1] — 16 студзеня 2012, Менск, Беларусь) — беларускі скульптар.

Уладзімер Жбанаў
Дата нараджэньня	26 студзеня 1954(1954-01-26)
Месца нараджэньня	Менск, БССР, СССР
Дата сьмерці	16 студзеня 2012(2012-01-16) (57 гадоў)
Месца сьмерці	Менск, Беларусь
Месца пахаваньня	Усходнія могілкі
Месца вучобы	Менскі дзяржаўны мастацкі каледж імя Аляксея Глебава Беларуская дзяржаўная акадэмія мастацтваў
Занятак	скульптар
Месца працы	Менскі дзяржаўны мастацкі каледж імя Аляксея Глебава
Жанры	скульптура
Уладзімер Жбанаў у Вікісховішчы

Вікіпэдыя мае артыкулы пра іншых асобаў з прозьвішчам Жбанаў.

Біяграфія

Нарадзіўся ў вёсцы Станькаве (Койданаўскі раён, Менская вобласьць) ў сям’і вайскоўца. Дзяцінства правёў у вёсцы Цівалі (Менскі раён). У год паступленьня ў Менскую мастацкую вучэльню, бацькі атрымалі кватэру ў Менску па вуліцы Адоеўскага. У выніку вясковы дом у Цівалі на некалькі гадоў стаў мастацкай майстэрняй Уладзімера Жбанава^[1].

У 1973 годзе скончыў Менскае мастацкае вучылішча імя Глебава. У 1979-м скончыў Беларускі дзяржаўны тэатральна-мастацкі інстытут (аддзяленьне скульптуры мастацкага факультэта). Служыў у Аўганістане. Пасьля войска тры гады вучыўся ў творчых майстэрнях Акадэміі мастацтваў СССР. У 1985—1999 гады — выкладчык вышэйшай катэгорыі ў Менскім мастацкім вучылішчы ім. Глебава.

З 1993 году чалец Беларускага саюза мастакоў.

Працы

Устаноўленыя ў г. Менску:

• «Таня» (1981) — Нацыянальны мастацкі музэй Рэспублікі Беларусь
• «Вера Харужая» (1982) — Нацыянальны мастацкі музэй Рэспублікі Беларусь
• Герб Рэспублікі Беларусь (1996) — будынак Нацыянальнага банка Рэспублікі Беларусь
• «Незнаёмка» (1998) — Міхайлаўскі сквэр
• «Курыльшчык» (1999) — Міхайлаўскі сквэр
• «Дзяўчынка з парасонам» (2000) — Міхайлаўскі сквэр
• «Дама з сабачкай» (2001) — Камароўскі рынак
• «Фатограф» (2001) — Камароўскі рынак
• «Экіпаж» (2004) — ля ратушы
• «Гусар» (2004) — Музэй гісторыі гораду Менску (выстава аднаго твору ва ўнутраным дворыку)
• «Дойлід» (2006) — плошча Незалежнасьці

Устаноўленыя ў іншых гарадах:

• «Дама з сабачкам», копія — Магілёў, на прыступках Драматычнага тэатру
• «Паручнік Ржэўскі» — Паўлаград, Украіна
• Скульптура-фантан «Залаты трохлісьнік» (2011) — Маладэчна (на галоўнай плошчы), устаноўлены да «Дажынак-2011»)
• «Вястун» (2011) — Маладэчна (на плошчы «Старое Места»).

Глядзіце таксама

• Сьпіс помнікаў Менску