Уладзімер Пракапцоў

Уладзі́мер Іва́навіч Пракапцо́ў (нар. 8 жніўня 1953, Жгуна-Буда, Добрускі раён Гомельскай вобласьці БССР) — беларускі мастак, кандыдат мастацтвазнаўства, Заслужаны дзяяч мастацтваў Рэспублікі Беларусі (2013).

Уладзімер Пракапцоў
Дата нараджэньня	8 жніўня 1953(1953-08-08)[1] (72 гады)
Месца нараджэньня	Жгуна-Буда[d], Добрускі раён, Гомельская вобласьць, БССР, СССР
Месца вучобы	Віцебскі дзяржаўны ўнівэрсытэт (1975)
Занятак	маляр, мастацтвазнавец
Навуковая сфэра	мастацтвазнаўства[d][2] і малярства[2]
Сябра ў	Беларускі саюз мастакоў і Беларускі саюз літаратурна-мастацкіх крытыкаў[d]
Жанры	пэйзаж і партрэт
Плынь	рэалізм[d]
Узнагароды
Уладзімер Пракапцоў у Вікісховішчы

Жыцьцяпіс

Скончыў мастацка-графічны факультэт Віцебскага дзяржаўнага пэдагагічнага інстытуту імя Сяргея Кірава (1975), асьпірантуру пры Інстытуце мастацтвазнаўства, этнаграфіі і фальклёру Акадэміі навук БССР. Кандыдат мастацтвазнаўства (1984).

Аўтар і куратар шматлікіх музэйных выставачных і выдавецкіх праектаў, навуковых каталёгаў, кніг і артыкулаў па выяўленчым мастацтве.

Сябра Беларускага саюзу мастакоў, Беларускага саюзу літаратурна-мастацкіх крытыкаў, Беларускага камітэту ICOM і ICOMOS, ганаровы сябра Расейскай акадэміі мастацтваў, сябра Нацыянальнай камісіі Рэспублікі Беларусі ў справах ЮНЭСКО, сябра Падкамітэту па наданьні Дзяржаўных прэміяў Рэспублікі Беларусі ў галіне літаратуры, мастацтва і архітэктуры, старшыня Савету дырэктараў рэспубліканскіх і абласных музэяў, старшыня канфэдэрацыі творчых саюзаў Рэспублікі Беларусі.

У 1998—2023 — дырэктар Нацыянальнага мастацкага музэю.

• Творы Ўладзімера Пракапцова
• 
  «Аўтапартрэт». Палатно, алей, 2005. Паштовая марка Беларусі.
• 
  «Бацькоўскі дом». Палатно, алей, 2011.

Прэміі і ўзнагароды

• Мэдаль Францішка Скарыны (2008)
• Ордэн Сяброўства (Расея, 2005)
• Мэдаль Пушкіна (Расея, 2007)
• Заслужаны дзяяч мастацтваў Рэспублікі Беларусі (2013)
• Ганаровая грамата Нацыянальнага сходу Рэспублікі Беларусі (2003)
• Ганаровая грамата Нацыянальнага сходу Рэспублікі Беларусі (2016)
• ганаровы грамадзянін Добрушу (2008)
• ганаровы грамадзянін Лепельскага раёну Віцебскай вобласьці (2012)