Хавіер Эрнандэс Балькасар

Хавіер Эрнандэс Балькасар (па-гішпанску: Javier Hernández Balcázar; нар. 1 чэрвеня 1988 году, Гвадаляхара, Мэксыка) — мэксыканскі футбаліст, нападнік клюбу «Гвадаляхара» і нацыянальнай зборнай Мэксыкі, у якой рэгулярна ўдзельнічае на буйных міжнародных спаборніцтвах. Эрнандэс мае мянушку «Чычарыта» (гішп. Chicharito — «гарошына»), якая выкарыстоўваецца ў якасьці надпісу на ягонай кашулі. Зьяўляецца выхаванцам мэксыканскага клюбу «Гвадаляхара».

Хавіер Эрнандэс Балькасар
Пэрсанальная інфармацыя
Нарадзіўся	1 чэрвеня 1988(1988-06-01)[1][2][3][…] (37 гадоў) Гвадаляхара, Мэксыка
Рост	175 см
Вага	71 кг
Пазыцыя	нападнік
Клюбная інфармацыя
Клюб	Гвадаляхара
Нумар	14
Клюбы
Гады	Клюб	Гульні (галы)¹
2006—2010	Гвадаляхара	64 (26)
2010—2014	Манчэстэр Юнайтэд	103 (37)
2014—2015	→ Рэал Мадрыд	23 (7)
2015—2017	Баер Левэркузэн	54 (28)
2017—2019	Ўэст Гэм Юнайтэд	55 (16)
2019—2020	Сэвільля	9 (1)
2020—2023	Лос-Анджэлес Гэлаксі	74 (38)
2024—4	Гвадаляхара	28 (2)
Зборныя
2007	Мэксыка (да 20)[d]	2 (1)
2009—2019	Мэксыка	109 (52)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 15 красавіка 2025.

Кар’ера

Клюбная

Эрнандэс пачаў выступаць за моладзевую каманду «Гвадаляхары» ва ўзросьце дзевяці гадоў. У 2006 годзе дэбютаваў за асноўную каманду «Гвадаляхары» ў матчы Апэртуры супраць клюбу «Нэкакса». Пры ліку 3:0 ён выйшаў на замену Амару Брава на 87-й хвіліне матчу, а ўжо празь пяць хвілінаў забіў чацьверты гол сваёй каманды.

8 красавіка 2010 году Эрнандэс падпісаў кантракт з ангельскім клюбам «Манчэстэр Юнайтэд»^[4]. 27 траўня 2010 году ён атрымаў дазвол на працу ў Вялікабрытаніі, а ўжо 1 ліпеня стаў гульцом клюбу^[5]. 28 ліпеня 2010 году Эрнандэс упершыню згуляў за «Юнайтэд», выйшаўшы на замену Нані ў таварыскім матчы супраць каманды ўсіх зорак МЛС, у гэтай жа сустрэчы ён забіў свой першы гол за клюб, замкнуўшы пас Дэрэна Флэтчэра. 16 жніўня Эрнандэс згуляў свой першы матч у Прэм’ер-Лізе, выйшаўшы на замену Ўэйну Руні на 63-й хвіліне сустрэчы супраць «Ньюкасл Юнайтэд», якая скончылася зь лікам 3:0 на карысьць «чырвоных д’яблаў»^[6].

1 верасьня 2014 году Эрнандэс перайшоў на правах арэнды ў мадрыдзкі «Рэал», які атрымаў права выкупіць кантракт гульца ў канцы сэзону^[7].

Міжнародная

Эрнандэс дэбютаваў за зборную Мэксыкі 30 верасьня 2009 году ў матчы супраць зборнай Калюмбіі, у якім ён адзначыўся галявой перадачай. 24 лютага 2010 году ён забіў два галы ў браму зборнай Балівіі, а таксама адзначыўся галявой перадачай. Разам са зборнай Мэксыкі Чычарыта браў удзел у чэмпіянаце сьвету 2010 году, а таксама ў турніры Залатога кубка КОНКАКАФ і Кубку канфэдэрацыяў 2013 году. Эрнандэс зьяўляецца трэцім бамбардзірам зборнай Мэксыкі ўсіх часоў^[8].

Дасягненьні

«Гвадаляхара»:

• Чэмпіён Мэксыкі: 2006(а)

«Манчэстэр Юнайтэд»:

• Чэмпіён Ангельшчыны: 2011, 2013
• Уладальнік Супэркубка Ангельшчыны: 2010, 2013

«Рэал»:

• Пераможца клюбнага чэмпіянату сьвету: 2014

«Сэвільля»:

• Пераможца Лігі Эўропы: 2020

Мэксыка:

• Уладальнік Залатога кубка КОНКАКАФ: 2011