Чыжэвічы (Салігорскі раён)

Чыжэ́вічы^[1] — вёска ў Салігорскім раёне Менскай вобласьці, цэнтар Чыжэвіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чыжэвічы.

Чыжэвічы
трансьліт. Čyževіčy
Першыя згадкі:	1566
Краіна:	Беларусь
Вобласьць:	Менская
Раён:	Салігорскі
Сельсавет:	Чыжэвіцкі
Насельніцтва
колькасьць:	360 чал. (2016)
колькасьць двароў:	434
Часавы пас:	UTC+3
Тэлефонны код:	+375 174
Паштовы індэкс:	223712
Нумарны знак:	5
Геаграфічныя каардынаты:	52°45′0″ пн. ш. 27°30′0″ у. д.
Чыжэвічы на мапе Беларусі ± Чыжэвічы Чыжэвічы
Галерэя здымкаў у Вікісховішчы

Насельніцтва

• XX стагодзьдзе: 1930 год — 1500 чал., 300 двароў^[2]; 1999 год — 384 чалавекі
• XXI стагодзьдзе: 2010 год — 250 чалавек; 2016 год — 360 чалавек, 434 двары

Забудова

У вёсцы маецца 12 вулiц i 2 завулкi.

Транспарт

За 10 км на захад ад Чыжэвічаў праходзіць аўтамабільная дарога Р23 (Менск — Мікашэвічы).

Турыстычная інфармацыя

Славутасьці

• Свята-Пакроўская царква (1795–1808) — помнік драўлянага дойлідзтва, уваходзіць у лік самых старажытных драўляных храмаў на тэрыторыі Беларусі^[3].
• Сьвідравая вышка, зь якой 9 ліпеня 1949 року сьвідраўнікі брыгады А. І. Несьцерава Паўднёва-Беларускай геолягавыведнай партыі вынялі з глыбіні 349,5 мэтру калійную соль^[4].
• Стэла памяці загінулым шахцёрам^[5].

Дадатковыя зьвесткі

• Недалёка ад Чыжэвічаў была Тамілава Гара, якая цяпер, пахаваная пад тэрыконамі. У пачатку ХХ стагодзьдзя сярод мясцовых жыхароў хадзiлi гісторыі пра невядомага француза, стомленага ад вайны і спачыўшага на вяршыні гэтай гары, а таксама пра швэда, які закапаў на гары тры бочкі з золатам, і ня простыя бочкі, а на залатых колцах. Як вядома, залатая бочка на колцах у сусветнай міталёгіі лічыцца сымбалем Сонца. Таму, верагодна, што тут некалі спраўлялі культ гэтага сьвяціла^[6].
• Вёсцы Чыжэвічы прысьвечаны аднайменны верш Анатоля Крывіцкага^[7].