Яноўка (Краснапольскі раён)

Яно́ўка^[2] — вёска ў Краснапольскім раёне Магілёўскай вобласьці. Адміністрацыйны цэнтар Яноўскага сельсавету. Знаходзіцца за 21 км ад Краснапольля, за 130 км ад Магілёва, за 43 км ад чыгуначнай станцыі Камунары.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Яноўка.

Яноўка
трансьліт. Janoŭka
Першыя згадкі:	1870
Краіна:	Беларусь
Вобласьць:	Магілёўская
Раён:	Краснапольскі
Сельсавет:	Яноўскі
Насельніцтва:	308 чал. (2019)[1]
Часавы пас:	UTC+3
Тэлефонны код:	+375 2238
Нумарны знак:	6
Геаграфічныя каардынаты:	53°16′7″ пн. ш. 31°39′0″ у. д.
Яноўка на мапе Беларусі ± Яноўка Яноўка

Гісторыя

У 1870 годзе вёска ва ўладаньні памешчыку, працавалі шынок, млын. У 1897 годзе вёска ў Саматэвіцкай воласьці Чэрыкаўскага павету Магілёўскай губэрні, працавала школа граматы. У аднайменным фальварку жыло 17 чалавек. Падчас Рэвалюцыі 1905—1907 гадоў у Расеі сяляне зьдзейсьнілі паўстаньне. У 1923 годзе быў створаны сельскагаспадарчы каапэратыў. У 1929 годзе заснаваны цагляны завод. У 1930 годзе створаны калгас «Матор рэвалюцыі», які ў 1932 годзе аб’ядноўваў 66 гаспадарак.

Падчас Нямецка-савецкай вайны з жніўня 1941 па 30 верасьня 1943 году была захопленая нямецкімі войскамі.

У 1967 годзе быў далучаны пасёлак Ленінскі. У 1990 цэнтар саўгасу «Дружба», які спэцыялізаваўся на мяса-малочнай жывёлагадоўлі.

Вёска пацярпела ад Чарнобыльскае катастрофы і трапіла ў зону з правам на адсяленьне^[3].

Насельніцтва

• 2019 год — 308 чалавек
• 2007 год — 395 чалавек
• 1999 год — 226 чалавек
• 1990 год — 309 чалавек
• 1926 год — 510 чалавек
• 1909 год — 464 чалавекі
• 1897 год — 507 чалавек

Інфраструктура

У 2007 годзе ў вёсцы працавалі сярэдняя школа, Дом культуры, бібліятэка, дзіцячы садок, фэльчарска-акушэрскі пункт, аддзяленьне сувязі, крама, сталовая, бутэрбродная.