3-ці пяхотны рэгімэнт польнай булавы Вялікага Княства Літоўскага
From Wikipedia, the free encyclopedia
Remove ads
3-ці пяхотны рэгімэнт польнай булавы Вялікага Княства Літоўскага — пяхотнае падразьдзяленьне войска Вялікага Княства Літоўскага пэрыяду Рэчы Паспалітай.
Зьяўлялася тактычнай адзінкай, якая складалася зь некалькіх аддзелаў пяхоты, што адпавядала пазьнейшаму пяхотнаму палку. Назва азначае, што на чале вайсковай адзінкі кожны раз быў гетман польны літоўскі.
У 1717 годзе называўся «Полкам інфантэрыі гетмана польнага Вялікага Княства Літоўскага», каля 1759 «Пяхотным рэгімэнтам польнай булавы Вялікага Княства Літоўскага», каля 1776 «3-ім рэгімэнтам польнай булавы Вялікага Княства Літоўскага», у 1793 годзе «3-ім рэгімэнтам літоўскім».
Месцазнаходжаньне: Менск (1775), Янішкі (1778), Наваградак, Шарашова (1778—1789), Коўна (1789), Вільня (1790), Коўна (1791), Прэны (сьнежань 1792), Шаты (1794).
Remove ads
Гетманы польныя Вялікага Княства Літоўскага:
- Станіслаў Дэнгаф, мечнік ВКЛ, пам. 1728
- князь Міхал Казімер Радзівіл «Рыбанька» (1736—1744)
- Міхал Юзэф Масальскі (4 кастрычніка 1744—1762)
- Аляксандар Міхал Сапега (1762)
- Юзэф Сасноўскі, ваявода полацкі (1776 — 1780)
- Людвік Тышкевіч (1780 — 1793)
- Касакоўскі, пісар польны 1794)
Рэгімэнт удзельнічаў у расейска-польскай вайне 1792 году, што тычылася абароны наступстваў Канстытуцыі 3 траўня 1791 году. Гранэ 24 ліпеня 1792, Вільня 11 жніўня 1794, Прага 4 лістапада.
Літаратура
- Gembarzewski B. Rodowody pułków polskich i oddziałów równorzędnych od r. 1717 do r. 1831. — Warszawa, 1925.
Wikiwand - on
Seamless Wikipedia browsing. On steroids.
Remove ads