Crossing the Jordan

Crossing the Jordan (з анг. — «Перасякаючы Ярдан») — студыйны альбом гурту «Spasenie», запісаны з удзелам музыкаў чыкагскага гурту «Crossroads» і выдадзены ў 2004 годзе. Дыск запісваўся музыкамі ў Брэсце, прадусарамі кружэлкі выступілі Цім Спрэнсі й Дэрыл Сьцёрмэр (у ЗША)^[1]. Першая імпрэза дыску ў Беларусі прайшла 29 ліпеня 2005 году ў Менску пры падтрымцы прадусара Ціма Спрэнсі й яго гурту «Crossroads» у клюбе «Белая вежа»^[2][3].

Crossing the Jordan
Студыйны альбом Spasenie
Выдадзены	3 сьнежня 2004 году
Запісаны	2003–2004
Жанр	хрысьціянскі рок, поп-рок, джаз-рок
Працягласьць	58:52
Выдавец	East Meets West Records, Music Center C
Прадусар	Цім Спрэнсі, Дэрыл Сьцёрмэр, Павал Шальпук
Храналёгія Spasenie
Кардиограмма (2003)	Crossing the Jordan (2004)	Acoustic (2007)

Гісторыя

Загалоўнай песьняй кружэлкі зьяўляецца біблейская гісторыя^[4].

	Альбом Crossing the Jordan — сур’ёзны паказчык прафэсійнага росту нашага гурту. Пры стварэньні, запісы й зьвядзеньні ўсе кампазыцыі былі да дробязяў прадуманы й вытрыманы ў адзіным стылі, Арыгінальны тэкст  (рас.) Альбом Crossing the Jordan — серьезный показатель профессионального роста нашей группы. При создании, записи и сведении все композиции были до мелочей продуманы и выдержаны в едином стиле[5].

– распавядаў парталу TUT.BY вакаліст Ігар Муха.

Продаж дыскаў перавысіў усе чаканьні брэсцкіх музыкаў^[6][3].

Сьпіс кампазыцыяў

№	Назва	Аўтар(ы)	Працягласьць
1.	«The Word Was Spoken»	Цім Спрэнсі	4:25
2.	«Hold On»	Цім Спрэнсі	4:48
3.	«The Garden of the King»	Цім Спрэнсі	4:14
4.	«Son of Mercy»	Цім Спрэнсі, Маўра Спрэнсі	4:14
5.	«Live Wire»	Цім Спрэнсі, Ігар Муха, Пётар Семянюк, Павал Шальпук	4:42
6.	«Joshua’s Dream»	Цім Спрэнсі, Ігар Муха, Пётар Семянюк, Павал Шальпук	4:52
7.	«New Song»	Цім Спрэнсі, Маўра Спрэнсі	4:31
8.	«You Are Merciful»	Цім Спрэнсі	4:17
9.	«Reign on Me»	Цім Спрэнсі	4:48
10.	«Every Day»	Цім Спрэнсі	4:53
11.	«I’m Watching the World Go By»	Цім Спрэнсі, Маўра Спрэнсі	4:25
12.	«Do You Know Why»	Цім Спрэнсі, Маўра Спрэнсі	3:37
13.	«Psalm 141»	Цім Спрэнсі	5:06

Прыём крытыкаў

Тацьцяна Заміроўская са штотыднёвіку «БелГазета» на старонках выданьня вызначыла, што альбом асацыюецца са Стынгам, Філам Колінзам і Маркам Нопфлерам, а творы на ім ёсьць «рафінаваны й мэлянхалічны джаз-рок з элэмэнтамі фольку»^[7].

WASP з «Музыкальнай газеты» ўчула на CD мяккі поп-рок, больш гарманічны, чым у выкананьні «Новага Ерусаліму», і пахваліла працу прадусару Ціма Спрэнсі, у той час як песьні з кружэлкі крытыку таксама нагадалі творы Стынгу й Філа Колінзу^[8].

Удзельнікі

Музыкі: Пётар Семянюк — клявішныя, вакал. Павал Шальпук — скрыпка, альт, вакал. Аляксандар Зіноўеў — кантрабас. Сьвятлана Праўдзіна — віялянчэль. Васіль Машлякевіч — бас-гітара. Ежы Хайчук — ударныя. Джым Спрэнсі — пэркусія. Цім Спрэнсі — вакал, акустычная й электрагітара. Леанід Барысевіч — электрагітара. Ігар Руды — саксафон-сапрана, альтовы саксафон, кларнэт. Бэкі Шарп — вакал. Ігар Муха — вакал.

Вытворчасьць: Аляксандар Барысюк — пастырскі клопат. Сью Брандт — адміністратар. Цім Спрэнсі — дызайн CD, фатаграфіі, выканаўчы прадусар. Брыяна Спрэнсі — фатаграфіі. Майкл Ўілсан — фатаграфіі. Павал Шальпук — інжынэр гуказапісу, выканаўчы прадусар. Андрэй Кавальчук — асыстэнт інжынэру гуказапісу. Павал Шальпук, студыя «С» — зьвядзеньне. Вальдэмар Сымэнс — мастэрынг. Студыя «С» — мастэрынг.