Азарычы (Берасьцейская вобласьць)

Аза́рычы^[1] — вёска ў Пінскім раёне Берасьцейскай вобласьці. Уваходзіць у склад Валішчанскага сельсавету. На паўднёвым усходзе вёскі праходзіць аўтастрада Івацэвічы — Столін Р6. У вёсцы ёсьць крама тавараў паўсядзённага попыту^[2], аддзяленьне сувязі. Вёска — малая радзіма літаратара Сяргея Мікалаевіча Баран^[3].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Азарычы (неадназначнасьць).

Азарычы
трансьліт. Azaryčy
Першыя згадкі:	1557
Краіна:	Беларусь
Вобласьць:	Берасьцейская
Раён:	Пінскі
Сельсавет:	Валішчанскі
Насельніцтва:	368 чал. (2009)
Часавы пас:	UTC+3
Тэлефонны код:	+375 165
Паштовы індэкс:	225757
СААТА:	1254820026
Нумарны знак:	1
Геаграфічныя каардынаты:	52°24′33″ пн. ш. 25°50′48″ у. д.
Азарычы на мапе Беларусі ± Азарычы Азарычы
Галерэя здымкаў у Вікісховішчы

Гісторыя

• 1557 г. — першая згадка, вёска Азарычы — каралеўскае ўладаньне.
• XVIII ст. — селішча пераходзіць да Агінскіх.
• Канец XVIII ст. — на сродкі Міхала Казімера Агінскага будуецца ўніяцкая царква.
• Пасьля Другога падзелу Рэчы Паспалітай (1793) увайшла ў склад Расейскай імпэрыі^[4].
• 1796 г. — улучаная ў склад Пінскага павету Менскай губэрні^[4].
• 1866 г.^[4] — пры падтрымцы Пуслоўскіх, уладальнікаў маёнтку, будуецца Пакроўская царква (зруйнавана ў 1960-я гады).
• 1860-я гг. — у вёсцы налічвалася 40 гаспадарак.
• 1880-я гг. — 45 двароў^[4].
• 1897 г. — 102 двары^[4].
• 1921 г. — ўключаная ў склад Целяханскай гміны Косаўскага павету Палескага ваяводзтва Польшчы^[4].
• 1935 г. — перададзеная ў склад Івацэвіцкага павету.
• 1940 г. — улучная ў склад Калонскага сельсавету Целяханскага раёну Пінскай вобласьці^[4].
• 1941 г. — у вёсцы налічвалася 160 гаспадарак.
• Люты 1944 г. — фашысты зьнішчылі 16 гаспадарак, забілі 17 чалавек.
• 1964 г. — здадзена ў эксплюатацыю новая школа на 280 месцаў^[5].
• У 1969 годзе цэнтар калгасу імя Жданава^[4].

Насельніцтва

• 2009 год — 368 чалавек
• 1999 год — 486 чалавек
• 1990 год — 443 чалавек, 210 двароў
• 1969 год — 935 жыхароў, 227 двароў^[4]
• 1921 год — 385 жыхароў, 52 двары^[4]
• пачатак XX стагодзьдзя — 1028 жыхароў, 114 двароў^[4]

Славутасьці

Непадалёк ад вёскі знаходзяцца:

• Агінскі канал (1767—1783 гг.)^[6].
• Нямецкія абарончыя збудаваньні Першай сусьветнай вайны (1915—1918 гг.)^[6].