Аляксандар Кулінковіч

Алякса́ндар Кулінко́віч (творчы псэўданім — Аляксандар Кульлінковіч; 18 траўня 1972, Смалявічы — 3 жніўня 2018^[2], Менск) — беларускі рок-музыка, заснавальнік і вакаліст гурта «Neuro Dubel»^[3].

Аляксандар Кулінковіч
Басовішча-2008
Дата нараджэньня	18 траўня 1972(1972-05-18)
Месца нараджэньня	Смалявічы, БССР
Дата сьмерці	3 жніўня 2018(2018-08-03)[1] (46 гадоў)
Месца сьмерці	Менск, Беларусь
Грамадзянства	Беларусь
Месца вучобы	БДУ
Прафэсія	сьпявак, аўтар, журналіст
Гады дзейнасьці	1985—2018
Жанры	панк-рок
Гурты	Neuro Dubel
Супрацоўніцтва	Крамбамбуля
Сайт	neurodubel.com
Аляксандар Кулінковіч у Вікісховішчы

Біяграфія

Нарадзіўся ў Смалявічах, зь пяці гадоў жыў у Менску. Навучаўся ў ПТВ па спэцыяльнасьці «сантэхнік», у Беларускім дзяржаўным унівэрсытэце (факультэт журналістыкі, скончыў першы курс), працаваў у моладзевых выданьнях^[4]. З 1985 году пісаў вершы, музыку. Жанаты з 8 траўня 1999 году. Мае сына (нарадзіўся 6 лютага 2000 году).

Сьмерць

3 жніўня 2018 году Аляксандар адаслаў СМС аднаму зь сяброў, што дрэнна сябе адчувае і выклікае хуткую. Музыка трапіў у рэанімацыю, дзе ўвечары 3 жніўня сканаў. Прычынай сьмерці называюць праблемы зь лёгкімі, ці дакладней «схаванае запаленьне лёгкіх». У дзень сьмерці «Нейра Дзюбель» павінен быў выступаць на фэстывалі «Рок за баброў»^[2].

Творчы шлях

17 ліпеня 1989 году заснаваў гурт Neuro Dubel, лідэрам якога зьяўляецца да канца жыцьця^[5]. Пісаў музыку і тэксты. Таксама браў удзел у некаторых запісах і канцэртах гурта «Крамбамбуля».

Літаратура

• Д.П. КУЛІНКОВІЧ АЛЯКСАНДР (Куллинкович Александр, Kulinkovich Aliaksandr) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 149. — 368 с. — 2000 ас. — ISBN 978-985-6783-42-8