Валеры Буйвал

Валеры Буйвал (нар. 1955; г. Вышні Валачок, Цьвярская вобл., цяпер Цэнтральная фэдэральная акруга, Расея) — беларускі мастацтвазнавец і перакладнік. Сябра Беларускага саюза мастакоў. Сакратар Управы Беларускага народнага фронту «Адраджэньне» і старшыня інфармацыйнай камісіі Кансэрватыўна-хрысьціянскай партыі БНФ.

Валеры Буйвал
Імя пры нараджэньні	Валеры Яўгенавіч Буйвал
Род дзейнасьці	Пераклад
Дата нараджэньня	3 ліпеня 1955 (70 гадоў)
Месца нараджэньня	Вышні Валачок, Цьвярская вобласьць, Расейская СФСР, СССР
Грамадзянства	Беларусь
Месца вучобы	Інстытут жывапісу, скульптуры і архітэктуры імя Рэпіна[d]
Занятак	мастацтвазнавец, перакладнік
Месца працы	Нацыянальны мастацкі музэй Рэспублікі Беларусь
Сайт	www.pieramoha.org

Жыцьцяпіс

У 1956 г. сям’я вярнулася ў Гомель. Скончыў факультэт тэорыі і гісторыі мастацтва Ленінградзкага інстытуту(ru) жывапісу, скульптуры і архітэктуры імя Ільлі Рэпіна (1977). У 1977—1989 працаваў навуковым супрацоўнікам і загаднікам аддзела ў Нацыянальным мастацкім музэі Беларусі. З кастрычніка 1988 г. сябра БНФ «Адраджэньне». У 1992 годзе ўваходзіў у склад радыкальнага крыла Нацыянальна-дэмакратычнай партыі Беларусі^[1].

Дасьледуе беларускае і заходнеэўрапейскае мастацтва. Аўтар-складальнік буклетаў пра мастакоў Уладзімера Пасюкевіча (1987) і Каміля Камала (1992) ды альбома «Берасьцейская крэпасьць-герой у творчасьці мастакоў» (1991)^[2]. Аўтар артыкулаў па гісторыі ангельскага, валійскага, ірляндзкага, італьянскага, польскага і швэдзкага мастацтва, а таксама пра творчасьць Джоты дзі Бандэнэ, Геранімуса Босха, Мікелянджэлё Буанароці, Джаваньні Бэльліні, Франсыска Гоі, Альбрэхта Дурэра, Робэра Кампэна і Жаана Міро. Перакладае з эўрапейскіх моваў творы мастацкай літаратуры і мастацтвазнаўства. Пераклаў на беларускую мову асобныя творы Жоржы Амаду, Б’ёрнстэрнэ Б’ёрнсана, Джаваньні Вэргі, Габрыеля Гарсіі, Аўгуста Стрындбэрга, Мігеля Сэрвантэса і Карэла Чапэка.