Васіль Гапееў

Васі́ль Іва́навіч Гапе́еў (нар. 21 студзеня 1951 году ў вёсцы Волева ў Дубровенскім раёне Віцебскай вобласьці) — беларускі чыгуначны дзеяч, палітык і дыплямат.

Васіль Гапееў
Надзвычайны і Паўнамоцны Амбасадар Рэспублікі Беларусь у Рэспубліцы Казахстан
4 жніўня 2006 — 22 студзеня 2010
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Ларыса Пакуш
Наступнік	Валер Брылёў
Намесьнік прэм'ер-міністра Рэспублікі Беларусь
27 жніўня 2004 — 5 траўня 2006
Прэзыдэнт	Аляксандар Лукашэнка
Начальнік Беларускай чыгункі
6 лютага 2002 — 27 жніўня 2004
Папярэднік	Віктар Рахманько
Наступнік	Анатоль Сівак
Асабістыя зьвесткі
Нарадзіўся	21 студзеня 1951 (74 гады) Волева, Дубровенскі раён, Віцебская вобласьць
Адукацыя	Аршанскі коледж БелДУТ[d] (1970) БелДУТ (1977)

Скончыў Беларускі інстытут інжынэраў чыгуначнага транспарту ў Гомелі (1977).

З 1977 году працаваў у Беларускай чыгунцы. Быў дзяжурным руху й начальнікам станцыі Менск—Паўднёвы (1977—1980), галоўным інжынэрам і начальнікам станцыі Сьцяпянка (1980—1983), начальнікам аддзелу ў Менскім упраўленьні Беларускай чыгункі (1983), інструктарам у аддзеле транспорту і сувязі Менскага абласнога камітэту КПБ (1983—1988), першым намесьнікам і начальнікам менскага ўпраўленьня Беларускай чыгункі (1988—2001).

5 сьнежня 2001 году быў прызначаны в.а. начальніка Беларускай чыгункі^[1], а 6 лютага 2002 году — начальнікам^[2]. На гэтай пасадзе заставаўся да 27 жніўня 2004 году, калі быў адстаўлены й прызначаны намесьнікам прэм’ер-міністра Рэспублікі Беларусь^[3]. Адстаўлены з гэтай пасады быў 5 траўня 2006 году^[4]. 4 жніўня 2006 году быў прызначаны Надзвычайным і Паўнамоцным Амбасадарам Рэспублікі Беларусь у Рэспубліцы Казахстан^[5], адстаўлены быў 22 студзеня 2010 году^[6].

28 чэрвеня 1999 году й 20 студзеня 2001 году быў ўзнагароджаны Ганаровай граматай Савету Міністраў Рэспублікі Беларусь^[7][8].