Вацлаў Емэлка

Ва́цлаў Е́мэлка (па-чэску: Václav Jemelka; нар. 23 чэрвеня 1995 году) — чэскі футбаліст, абаронца клюбу «Вікторыя» і зборнай Чэхіі.

Вацлаў Емэлка
Пэрсанальная інфармацыя
Нарадзіўся	23 чэрвеня 1995(1995-06-23)[1][2] (30 гадоў) Оламаўц, Паўночнамараўскі край[d], Чэхія
Рост	187 см
Пазыцыя	абаронца
Клюбная інфармацыя
Клюб	Вікторыя Пльзень
Нумар	21
Клюбы
Гады	Клюб	Гульні (галы)¹
2015—2021	Сыгма Оламаўц Б[d]	49 (2)
2016—2022	Сыгма Оламаўц	128 (7)
2020—2021	→ Аўд-Гэвэрлі Лёвэн	23 (0)
2022—4	Вікторыя Пльзень	80 (3)
Зборныя
2020—4	Чэхія	10 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 19 лістапада 2024.

Кар’ера

Клюбная

Емэлка быў адным зь пяці гульцоў, якія перад сэзонам 2016—2017 гадоў былі пераведзеныя з дублю «Сыгмы» у асноўную каманду. У тым сэзоне клюб гуляў у другім дывізіёне, бо летась вылецеў з элітнага дывізіёну^[3]. Дэбютаваў у Першай лізе 30 ліпеня 2017 году ў матчы супраць «Млада Болеслаў»^[4]. Першым голам адзначыўся спрэчным чынам у матчы «Сыгмы» супраць праскай «Славіі» 10 верасьня 2017 году, аформіўшы гол рукой^[5]. Лік той сустрэчы быў 1:1. Сэзон 2020—2021 гадоў пачаў на радзіме, але ў кастрычніку 2020 году на правах арэнды прыяднаўся да бэльгійскага «Аўд-Гэвэрлі» да канца сэзону^[6]. У жніўні 2022 года Емэлка далучыўся да пльзенскай «Вікторыі», склаўшы трохгадовы кантракт^[4][7]. Свой першы гол за каманду забіў у матчы зноў супраць «Млады Болеслаў», аформіўшы другі гол у пераможным матчы зь лікам 2:0 у кастрычніку 2022 году^[8].

Міжнародная

11 лістапада 2020 году Емэлка дэбютаваў у складзе зборнай Чэхіі ў таварыскім матчы супраць зборнай Нямеччыны^[9]. Гулец мусіў быў згуляць на чэмпіянаце Эўропы 2020 году, але прапусьціў яго з прычыны траўмы^[10].