Ваўковічы (Гарадзенская вобласьць)

Ваўко́вічы^[1] — вёска ў Наваградзкім раёне Гарадзенскай вобласьці Беларусі. Уваходзіць у склад Брольніцкага сельсавету. Знаходзіцца за 12 кілямэтраў ад Наваградку^[2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ваўковічы.

Ваўковічы
трансьліт. Vaŭkovičy
Краіна:	Беларусь
Вобласьць:	Гарадзенская
Раён:	Наваградзкі
Сельсавет:	Брольніцкі
Насельніцтва:	207 чал. (2010)
Часавы пас:	UTC+3
Тэлефонны код:	+375 1597
Паштовы індэкс:	231405
СААТА:	4243817013
Нумарны знак:	4
Геаграфічныя каардынаты:	53°35′8″ пн. ш. 25°57′23″ у. д.
Ваўковічы на мапе Беларусі ± Ваўковічы Ваўковічы
Галерэя здымкаў у Вікісховішчы

Гісторыя

У верасьні 1939 году актывісты мясцовай партыйнай ячэйкі закатавалі вясковага бацюшку, айца Мікалая Нядзьведзкага^[2].

Старую драўляную царкву, якая прастаяла амаль сто гадоў, саветы разабралі ў 1964 годзе й зрабілі зь яе прыбудову да першай вясковай школы. Пасьля і тую школу раскідалі ды збудавалі новую, цагляную. На 2009 год школа была зачынена. У адным з пакойчыкаў былой школы дзейнічае царква, якую асьвяціў архіепіскап Наваградзкі і Лідзкі Гурый^[2].

Да 22 жніўня 2017 году — цэнтар Ваўковіцкага сельсавету. 22 жніўня 2017 году вёска перадзеная зь ліквідаванага Ваўковіцкага ў склад Брольніцкага сельсавету^[3].

Насельніцтва

• 2010 год — 207 чалавек
• 1999 год — 301 чалавек