Вялікая Зімніца

Вялі́кая Зімні́ца^[2] (таксама — Зімні́ца^[2]) — вёска ў Прапойскім раёне Магілёўскай вобласьці. Уваходзіць у склад Сьвенскага сельсавету.

Вялікая Зімніца
трансьліт. Vialikaja Zimnica
Краіна:	Беларусь
Вобласьць:	Магілёўская
Раён:	Прапойскі
Сельсавет:	Сьвенскі
Вышыня:	141 м н. у. м.
Насельніцтва:	330 чал. (2011)[1]
Часавы пас:	UTC+3
Тэлефонны код:	+375 2246
Паштовы індэкс:	213264
Нумарны знак:	6
Геаграфічныя каардынаты:	53°20′6″ пн. ш. 30°37′24″ у. д.
Вялікая Зімніца на мапе Беларусі ± Вялікая Зімніца Вялікая Зімніца

Назва

Назва паходзіць ад слова зімні (халодны)^[3].

Гісторыя

У гістарычных крыніцах згадваецца каля 1600 году як сяло ў маёнтку Тайманава^[4].

На мапе 1777 году пазначана як асобная вёска — Зімніца, у пазьнейшых крыніцах — Вялікія Зімніцы.

У 1884 годзе меўся хлебазапасная крама.

У 1886 годзе ў Баханскай воласьці Быхаўскага павету, 108 двароў, 755 жыхароў, царква, карчма, ветраны млын.

У 1912 годзе існавала аднаклясная царкоўнапрыхадзкая вучэльня.

З 1959 году ў Прапойскім раёне^[3].

Насельніцтва

• 2011 год — 330 чалавек^[1]
• 2010 год — 331 чалавек
• 1999 год — 408 чалавек
• 1910 год — 1200 чалавек^[3]

Інфраструктура

У вёсцы працуюць аддзяленьне паштовай сувязі, АТС, сельскі клюб, бібліятэка, фэльчарска-акушэрскі пункт, крама, ДУА «Зімніцкі вучэбна-пэдагагічны комплекс дзіцячы сад — сярэдняя школа»^[1].

Славутасьці

• Братэрская магіла савецкіх воінаў, якія загінулі восеньню 1943 году пры вызваленьні раёну ад нямецкіх захопнікаў. У цэнтры вёскі.
• Магіла санітаркі палявога шпіталю, якая загінула ў 1943 годзе ў час аднаго з баёў за вызваленьне тэрыторыі раёну ад нямецкіх захопнікаў. На паўднёвай ускраіне вёскі.
• Помнік землякам, якія загінулі ў Вялікую Айчынную вайну. У цэнтры вёскі, у сквэры^[5].

Страчаныя славутасьці

• Сьвята-Траецкая царква (архітэктар Аляксандар Валяр’янавіч Альхоўскі)