Кандрацішкі I

Кандрацішкі I (лет. Kandrotiškė I) — вёска ў Летуве, каля ракі Дзісны. Уваходзяць у склад Цэйкінскага староства Ігналінскага раёну Ўцянскага павету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кандрацішкі.

Кандрацішкі I лац. Kandraciški I
лет. Kandrotiškė I
Краіна:	Летува
Павет:	Уцянскі
Раён:	Ігналінскі
Насельніцтва:	6 чал. (2001)
Часавы пас:	UTC+2
летні час:	UTC+3
Геаграфічныя каардынаты:	55°17′28″ пн. ш. 26°21′36″ у. д.
Кандрацішкі I на мапе Летувы Кандрацішкі I

Назва

Асноўны артыкул: Кандрат

Імя Кандрат лічыцца літоўска-рускай формай германскага імя Конрад^[1]. Апроч таго, бытавалі старажытныя германскія імёны Кундрат або Контрат (Kundrat, Conttrat) і Кундрада або Кондрада (Cundrada, Condrada), асноўнымі формамі якіх разглядаюць Гундарат (Gundarat) і Гундэрада (Gunderada)^[2].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[3], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[4]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[5].

Гісторыя

У XIX ст. Кандрацішкі ўваходзілі ў склад Сьвянцянскага павету Віленскай губэрні^[6].

Насельніцтва

• 1905 год — 69 чалавек^[7]