Карыціска

Кары́ціска (па-польску: Koryciski, па-падляску: Korytyska^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Дубічы Царкоўныя.

Карыціска
польск. Koryciski
Былая назва:	Корыцішча
Мясцовая назва:	Korytyska
Краіна:	Польшча
Ваяводзтва:	Падляскае
Павет:	Гайнаўскі
Гміна:	Дубічы Царкоўныя
Насельніцтва:	101 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-204
Нумарны знак:	BHA
Геаграфічныя каардынаты:	52°35′55″ пн. ш. 23°33′8″ у. д.
Карыціска на мапе Польшчы Карыціска
Галерэя здымкаў у Вікісховішчы

Ля вёскі працякае рака Арлянка.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Міхала Арханёла ў Старым Корніне^[3]). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя.

Гісторыя

Драўляны ветраны млын пабудаваны ў 1948 г.

Корыцішча было створанае каля 1570 году па намаганьнях Астафія Халецкага ў межах бельскага стараства. Пачаткова разьмяшчалося на 20 валоках зямлі. Да 1631 году мясцовыя мужыкі прыналежалі да прыходу ў Старым Беразове, а пасьля перайшлі да старакорнінскага прыходу. У час войнаў і эпідэміяў сярэдзіны 17 ст. Карыціска абезьлюднелі, але былі пасьля адбудаваныя^[4]. У міжваенны пэрыяд Карыціска прыналежалі да гміны Орля Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 166 жыхары (усе праваслаўныя, зь іх 125 запісаныя былі палякамі, а толькі 41 беларусамі)^[5]. Пасьля Другай сусьветнай вайны Карыціска былі далучаныя да гміны Дубічы Царкоўныя.