Кляўдыё Маркізіё

Кля́ўдыё Маркі́зіё (па-італьянску: Claudio Marchisio; нар. 19 студзеня 1986 году, Турын, Італія) — былы італьянскі футбаліст, які выступаў на пазыцыі паўабаронцы. За нацыянальную зборную Італіі правёў 55 матчаў. Выхаванец школы «Ювэнтусу». Пасьля прагрэсу ў гульні ў сэзоне 2008—2009 гадоў, Маркізіё сталі часьцяком параўноўваць зь легендай «Ювэнтусу» й зборнай Італіі мінулых гадоў, Марка Тардэльлі. Спэцыялісты адзначаюць ягоны жорсткі стыль і добрае чытаньне гульні. Маркізіё любіць гуляць на пазыцыі цэнтральнага паўабаронцы, але ў стане гуляць на любой пазыцыі ў паўабароне.

Кляўдыё Маркізіё
Пэрсанальная інфармацыя
Нарадзіўся	19 студзеня 1986(1986-01-19)[1][2] (39 гадоў) Турын, Італія[1][3][4]
Рост	180 см[5]
Вага	74 кг[5]
Пазыцыя	паўабаронца
Клюбы
Гады	Клюб	Гульні (галы)¹
2005—2018	Ювэнтус	294 (33)
2007—2008	→ Эмпалі	26 (0)
2018—2019	Зэніт	9 (2)
Зборныя
2002—2003	Італія (да 16)[d]	7 (3)
2003—2004	Італія (да 17)[d]	7 (1)
2004—2005	Італія (да 18)[d]	4 (0)
2005—2006	Італія (да 19)[d]	1 (1)
2006—2007	Італія (да 20)[d]	3 (0)
2007—2008	Італія (да 21)[d]	14 (1)
2009—2017	Італія	55 (5)

Кар’ера

«Ювэнтус»

У акадэміі Маркізіё доўгі час гуляў на пазыцыі другога нападніка, асацыюючы сябе са сваім кумірам Алесандра Дэль П’ера, але ва ўзросьце 16 гадоў быў пераведзены ў паўабарону. У сэзоне 2005—2006 гадоў паводле рашэньне Фабіё Капэльлё ён быў пераведзены ў галоўную каманду й трэніраваўся разам з асновай. У матчы супраць «Кальяры» ён трапіў у заяўку, але на поле гэтак і ня выйшаў. Пазьней у тым сэзоне, ён вярнуўся ў прымавэру «Ювентусу», стаў ейным капітанам, і дапамог ёй выйграць чэмпіянат, упершыню за 12 гадоў.

Нацыянальная зборная

12 жніўня 2009 году Маркізіё дэбютаваў у нацыянальнай зборнай Італіі ў матчы супраць зборнай Швайцарыі, які скончыўся нулявой нічыёй.

Дасягненьні

«Ювэнтус»:

• Чэмпіён Італіі (7): 2012, 2013, 2014, 2015, 2016, 2017, 2018
• Уладальнік Кубка Італіі (4): 2015, 2016, 2017, 2018
• Уладальнік Супэркубка Італіі (3): 2012, 2013, 2015

«Зэніт»:

• Чэмпіён Расеі: 2019

Італія:

• Срэбраны прызэр чэмпіянату Эўропы: 2012

Асабістае жыцьцё

У чэрвені 2008 году Маркізіё ажаніўся з сваёй даўняй сяброўкай Рабэртай, а ў жніўні 2009 году ў іх нарадзіўся сын Давідэ, а ў сакавіку 2012 году — другі сын Леанарда. Паводле іроніі лёсу, ягоная жонка зь дзяцінства была аматарам заклятых супернікаў «б’янканэры» — «Тарына», бо ейны бацька ў свой ​​час навучаўся ў акадэміі гэтага клюбу.