Кірыл Шрэйтар
беларускі футбаліст From Wikipedia, the free encyclopedia
Remove ads
Кірыл Шрэйтар (нарадзіўся 6 жніўня 1986 году) — беларускі футбаліст, нападнік клюбу «Надзея».
Remove ads
Кар’ера
Выхаванец пінскага футболу. Пачаў кар’еру выступамі за дубль берасьцейскага «Дынама». Аддаваўся ў арэнду ў пінскую «Хвалю». У 2010—2011 гадах гуляў за мікашэвіцкі «Граніт», у сэзоне 2010 году стаў найлепшым бамбардзірам клюбу ў Першай лізе, забіўшы 19 мячоў. У студзені 2012 году вярнуўся ў «Берасьце», як тады называлася «Дынама», аднак ня здолеў замацавацца ў асноўным складзе і ў жніўні таго ж году стаў гульцом «Гарадзеі». У студзені 2013 году перайшоў у «Слуцак», дзе пачаў стала трапляць у аснову. Дапамог «Слуцку» атрымаць перамогу ў Першай лізе 2013 году, але па заканчэньні сэзону пакінуў дружыну[3].
У лютым 2014 году далучыўся да клюбу «Эляна» з Торуні, які выступаў у чацьвертым польскім дывізіёне[4]. У жніўні 2014 году вярнуўся ў Беларусь, стаўшы гульцом «Ліды»[5]. За паўгады забіў 6 галоў за лідзкі клюб. У сьнежні 2014 году паводле пагадненьня бакоў пакінуў «Ліду»[6]. У лютым 2015 году мог перайсьці ў «Баранавічы»[7], аднак у выніку апынуўся ў складзе «Гомельчыгунтранса»[8], у якім і пачаў сэзон 2015 году.
У ліпені 2016 году перайшоў у бабруйскую «Белшыну»[9], дзе быў асноўным нападнікам, але ня здолеў выратаваць каманду ад вылету ў Першую лігу. Па заканчэньні сэзону 2016 пакінуў Бабруйск і ў лютым 2017 году накіраваўся на прагляд у «Нафтан», але не падышоў камандзе. У красавіку 2017 году падпісаў кантракт зь летувіскім клюбам «Нявежыс»[10]. У ліпені 2017 году перайшоў у клюб «Баранавічы»[11].
У студзені 2018 году вярнуўся ў «Лідау»[12]. Аднак, праз пашкоджаньні і траўмы згуляў толькі сем матчаў, выходзячы на замену, і ў ліпені таго ж году паводле пагадненьня бакоў пакінуў клюб[13]. Неўзабаве прыяднаўся да жыткавіцкага клюбу ЮАС[14], але скасаваў зь ім кантракт у лютым 2019 году[15]. У красавіку 2019 году падпісаў кантракт з рэчыцкім «Спадарожнікам»[16]. У жніўні 2019 году перайшоў у «Баранавічы»[17]. У сэзоне 2020 году з 13 галамі быў другім бамбардзірам каманды. Па заканчэньні сэзону абвесьціў аб завяршэньні кар’еры. Аднак у ліпені 2022 году далучыўся да другалігавай «Надзеі» з Баранавіцкага раёну.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads