Мікіта Шугункоў

Мікіта Шугункоў (нарадзіўся 17 красавіка 1992 году) — беларускі футбаліст, нападнік ігуменскага «Коласа».

Мікіта Шугункоў
Пэрсанальная інфармацыя
Нарадзіўся	17 красавіка 1992(1992-04-17)[1] (33 гады) Магілёў, Беларусь
Рост	188 см
Вага	79 кг
Пазыцыя	нападнік
Клюбная інфармацыя
Клюб	Колас Ігумен[d]
Нумар	90
Клюбы
Гады	Клюб	Гульні (галы)¹
2010—2016	Нафтан	72 (2)
2012	→ Віцебск	14 (3)
2017	Белшына	18 (1)
2018	Нафтан	27 (3)
2019	Смаргонь	20 (2)
2020	Ворша	21 (6)
2021	Шахцёр Петрыкаў	6 (0)
2022	Вялес-2020[d]	20 (12)
2023—4	Колас Ігумен[d]	18 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 9 лістапада 2024.

Кар’ера

Дарослую кар’еру пачаў у складзе наваполацкага «Нафтана», дзе выступаў за дубль. У Найвышэйшай лізе дэбютаваў 13 лістапада 2010 году, выйшаўшы на замену ў матчы супраць менскага «Партызана» (4:4). У сэзоне 2011 году гуляў за дубль, а на наступны год быў аддадзены ў арэнду «Віцебску», дзе трывала зьяўляўся ў складзе. У сэзоне 2013 году вярнуўся ў «Нафтан» і стаў часьцей зьяўляцца ў складзе, звычайна выходзячы на замену. У кастрычніку 2013 году асноўны нападнік навапалачанаў Ігар Крывабок атрымаў дыскваліфікацыю, і Мікіта замяніў яго на вастрыні атакі. Гуляючы ў пачатковым складзе, 27 кастрычніка 2013 году забіў свой першы гол у Найвышэйшай лізе, якім прынёс перамогу над «Менскам» (2:1).

У 2014—2016 гадах трывала гуляў за першую каманду «Нафтана», пераважна выходзячы на замену. У студзені 2017 году накіраваўся ў стан бабруйскай «Белшыны» і ў лютым падпісаў кантракт^[2]. Пачынаў сэзон 2017 году ў першай адзінаццатцы бабруйчанаў, але ўлетку страціў месца ў першым складзе і пачаў толькі зрэдку выходзіць на замену. Па заканчэньні сэзону ў сьнежні 2017 году пакінуў Бабруйск. У пачатку 2018 году вярнуўся ў «Нафтан», дзе правёў сэзон 2019 году. У студзені 2019 году знаходзіўся на праглядзе ў магілёўскім «Дняпры», аднак не падышоў камандзе і ў лютым узмоцніў склад «Смаргоні»^[3]. У кастрычніку 2019 году паводле пагадненьня бакоў пакінуў смаргонскі клюб^[4].

У пачатку 2020 году трэнаваўся з магілёўскім «Дняпром», а пазьней далучыўся да «Воршы», у складзе якой пачаў сэзон 2020 году і стаў асноўным нападнікам каманды. У студзені 2021 году зноў трэнаваўся з «Дняпром», у сакавіку пасьля прагляду склаў кантракт зь петрыкаўскім «Шахцёрам»^[5]. Пакінуў «Шахцёр» у ліпені 2021 году^[6]. У пачатку 2022 году далучыўся да віцебскага «Вялеса-2020», а сэзон 2023 году пачаў у складзе ігуменскага «Коласа».

Статыстыка

Клюб	Сэзон	Чэмпіянат
		Дывізіён	Матчы	Галы
Нафтан	2015	Найвышэйшая ліга	16	1
	2016	Найвышэйшая ліга	24	0
Белшына	2017	Першая ліга	18	1
Нафтан	2018	Першая ліга	27	3