Натальля Качанава

Натальля Качанава, народжаная Талкачова^[1] (нар. 25 верасьня 1960, Полацак, Віцебская вобласьць) — дзяржаўная дзяячка рэжыму Лукашэнкі ў Беларусі, экс-кіраўніца адміністрацыі Аляксандра Лукашэнкі^[2].

Натальля Качанава лац. Natalla Kačanava
Старшыня Савету Рэспублікі
6 сьнежня 2019 — дасюль
Прэзыдэнт	Аляксандар Лукашэнка
Прэм’ер-міністар	Сяргей Румас
Папярэднік	Міхаіл Мясьніковіч
Кіраўнік Адміністрацыі прэзыдэнта Беларусі
27 сьнежня 2014 — 5 сьнежня 2019
Прэзыдэнт	Аляксандар Лукашэнка
Прэм’ер-міністар	Андрэй Кабякоў Сяргей Румас
Папярэднік	Аляксандар Косінец
Наступнік	Ігар Сергяенка
Намесьнік прэм’ер-міністра Рэспублікі Беларусь
27 сьнежня 2014 — 21 сьнежня 2016
Прэзыдэнт	Аляксандар Лукашэнка
Прэм’ер-міністар	Андрэй Кабякоў
Асабістыя зьвесткі
Нарадзілася	25 верасьня 1960 (64 гады) Полацак
Партыя	Белая Русь[d]
Адукацыя	Полацкі дзяржаўны ўнівэрсытэт, Акадэмія кіраваньня
Дзеці	двое
Узнагароды

Жыцьцяпіс

У 1982 годзе закончыла Наваполацкі політэхнічны інстытут імя ЛКСМБ, у 2006 годзе — Акадэмію кіраваньня пры прэзыдэнце Рэспублікі Беларусь.

З 1982 да 1995 — апэратарка пульту кіраваньня, інжынэр па тэхніцы бясьпекі, інжынэрка вытворча-тэхнічнага аддзела Полацкага прадпрыемства «Водаканал».

З 1995 да 2002 — інжынэрка, выканаўца абавязкаў начальніка, вядучая інжынэрка вытворча-тэхнічнага аддзела камунальнага ўнітарнага прадпрыемства «Жыльлёва-камунальная гаспадарка г. Полацку».

З 2002 да 2007 — начальніца аддзела жыльлёва-камунальнай гаспадаркі, выканаўца абавязкаў намесьніка старшыні па капітальным будаўніцтве і ЖКГ Полацкага гарвыканкаму, намесьніца старшыні па капітальным будаўніцтве і ЖКГ Полацкага гарвыканкаму.

З 2007 да 2014 — старшыня Наваполацкага гарвыканкаму.

З 27 сьнежня 2014 — намесьніца прэм’ер-міністру Беларусі.

Кіраўніца Адміністрацыі прэзыдэнта Рэспублікі Беларусь з 21 сьнежня 2016 году па 5 сьнежня 2019 году^[3].

6 сьнежня 2019 году прызначана старшынёй Савету Рэспублікі Нацыянальнага сходу Рэспублікі Беларусь^[4].

Русіфікацыя Беларусі

Асноўны артыкул: Русіфікацыя Беларусі

На асабістую просьбу ярэя Беларускага экзархату Маскоўскага патрыярхату Яўгена Саланкова перавяла зь верасьня 2021 году беларускую сярэднюю школу ў мястэчку Жыровічах на расейскую мову^[5], што стала шокам для калектыву школы^[6].

Узнагароды

• мэдаль «За працоўныя заслугі»

Санкцыі ЭЗ й іншых краінаў

17 сьнежня 2020 году была ўключана ў Чорны сьпіс Эўразьвязу^[7]. У якасьці падстаў для ўвядзеньня санкцыяў было адзначана, што Качанава як старшыня Савету Рэспублікі Нацыянальнага сходу адказвае за падтрымку рашэньняў прэзыдэнта ў галіне ўнутранае палітыкі й за арганізацыю махлярскіх прэзыдэнцкіх выбараў 2020 году^[8]. Яна таксама рабіла публічныя заявы, адстойваючы жорсткія разгоны мірных дэманстрацыяў з боку апарату бясьпекі^[8]. З-за гэтага жа Качанаву ў свае санкцыйныя сьпісы ўключылі Вялікабрытанія^[9] ды Швайцарыя^[10][11]. 26 студзеня 2021 году да санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя^[12].

Таксама Качанава знаходзіцца ў сьпісе спэцыяльна вызначаных грамадзянаў і заблякаваных асобаў ЗША^[13][14], а з 2022 года — пад санкцыямі Японіі, Украіны і Канады^[15].

Сям’я

Замужам. Мае дзьвюх дачок.