Новалукомаль

Новалукомаль — места ў Беларусі, на беразе Лукомскага возера. Уваходзіць у склад Чашніцкага раёну Віцебскай вобласьці. Насельніцтва на 2018 год — 12 943 чалавекі^[1]. Знаходзіцца за 23 км ад Чашнікаў. Таварная чыгуначная станцыя ў месьце, найбліжэйшая пасажырская станцыя — Чашнікі на лініі Ворша — Лепель (за 20 км).

Новалукомаль лац. Novałukomal
Лукомская ДРЭС
Герб Новалукомлю Сьцяг Новалукомлю
Краіна:	Беларусь
Вобласьць:	Віцебская
Раён:	Чашніцкі
Вышыня:	175 м н. у. м.
Насельніцтва:	12 943 чал. (2018)[1]
Часавы пас:	UTC+3
Тэлефонны код:	+375 2133
Паштовы індэкс:	211162
СААТА:	2251510000
Нумарны знак:	2
Геаграфічныя каардынаты:	54°39′57″ пн. ш. 29°9′17″ у. д.
Новалукомаль на мапе Беларусі ± Новалукомаль Новалукомаль
Галерэя здымкаў у Вікісховішчы
http://novolukoml.by

Новалукомаль — места беларускіх энэргетыкаў. Тут працуе Лукомская ДРЭС.

Назва

Назва Новалукомаль утварылася ад вёскі Лукомлю і ад аднайменнага Лукомскага возера, на беразе якога знаходзіцца места.

Гісторыя

Гісторыя Новалукомлю пачалася ў 1964 годзе, калі ў зьвязку з пачаткам будаваньня Лукомальскай ДРЭС тут заснавалі пасёлак. 31 сьнежня 1965 году Новалукомаль атрымаў афіцыйны статус гарадзкога пасёлку. 31 ліпеня 1970 году ён атрымаў статус места.

У 2004 годзе Новалукомаль адзначыў сваё 40-годзьдзе. У гэты ж год тут асьвяцілі касьцёл Сьвятой Марыі Магдалены^[2]. 20 студзеня 2006 году афіцыйна зацьвердзілі мескі герб.

Насельніцтва

Дэмаграфія

• XX стагодзьдзе: 1970 год — 6,7 тыс. чал.; 1974 год — 10,6 тыс. чал.^[3]; 1989 год — 13,8 тыс. чал.; 2000 год — 15,1 тыс. чал.^[4]
• XXI стагодзьдзе: 2005 год — 14,8 тыс. чал.; 2009 год — 13 945 чал.^[5] (перапіс); 2014 год — 13 088 чал.; 2017 год — 13 072 чал.^[6]; 2018 год — 12 943 чал.^[1]

Адукацыя

У Новалукомлі працуюць 2 агульныя сярэднія школы.

Мэдыцына

Мэдычнае абслугоўваньне насельніцтва ажыцьцяўлае паліклініка.

Культура

Дзеюць палац культуры і кінатэатар.

Спорт

• Футбольны клюб «Энэргетык»
• Футзальны клюб «Эласт-ВГУ»

Эканоміка

Прадпрыемствы па вытворчасьці будаўнічых матэрыялаў, харчовай прамысловасьці.

Пералік прамысловых прадпрыемстваў Новалукомлю
Лукомальская ДРЭС ААТ «ЭТОН» ААТ «Новалукомальскі завод керамзытавага жвіру» ААТ «Лукомальэнэргамантаж» ААТ «Эляст» ААТ «Новалукомскі малочны завод»

Транспарт

Мае аўтобуснае злучэньне зь Менскам і Віцебскам.

Турыстычная інфармацыя

Інфраструктура

Дзее санаторыя-прафілякторыя «Сасновы бор». Спыніцца можна ў гасьцініцы «Лукомаль».

Славутасьці

Каля места, ува ўрочышчы Гарадку на рацэ Лукомцы, знаходзіцца помнік археалёгіі — стаянка эпохі позьняга мэзаліту (5—4 тысячагодзьдзе да н. э.).

Заўвагі