Оскар Мінгеса

Оскар Мінге́са (па-каталянску: Óscar Mingueza; нар. 13 траўня 1999 году) — гішпанскі футбаліст, абаронца клюбу «Сэльта». У асноўным гуляе на пазыцыі цэнтральнага абаронцы, ён таксама можа згуляць на любой пазыцыі абаронцы, як то правага абаронцы.

Оскар Мінгеса
Пэрсанальная інфармацыя
Нарадзіўся	13 траўня 1999(1999-05-13) (26 гадоў) Санта-Пэрпэтуа-дэ-Мугода[d], Вальес-Аксыдэнталь[d], сталічная акруга Барсэлёна[d], правінцыя Барсэлёна[d], Каталёнія, Гішпанія
Рост	1,84 м
Пазыцыя	абаронца
Клюбная інфармацыя
Клюб	Сэльта
Нумар	3
Клюбы
Гады	Клюб	Гульні (галы)¹
2018—2021	Барсэлёна Б[d]	36 (0)
2020—2022	Барсэлёна	46 (2)
2022—4	Сэльта	93 (6)
Зборныя
2021	Гішпанія (да 21)[d]	3 (0)
2021	Гішпанія (да 23)[d]	3 (0)
2021—4	Гішпанія	4 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 24 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 23 сакавіка 2025.

Кар’ера

Клюбная

Гулец ёсьць выхаванцам акадэміі «Барсэлёны», да якой далучыўся яшчэ ў 2007 годзе^[1]. 24 лістапада 2020 году Мінгеса дэбютаваў у асноўнай каманды «Барсэлёны», калі замяніў траўмаванага Жэрара Піке. У тым матчы Лігі чэмпіёнаў гішпанцы з буйным лікам 0:4 перамаглі ў Кіеве мясцовае «Дынама»^[2]. Ужо праз пяць дзён гулец дэбютаваў у Ля-Лізе ў пераможным зь лікам 4:0 матчы супраць «Асасуны»^[3]. 15 сакавіка 2021 году футбаліст адзначыўся голам у браму «Ўэскі» ў матчы, які скончыўся зь лікам 4:1 на карысьць «Барсэлёны». 10 красавіка таго ж году ўлучыў адзіны гол сваёй каманды ў гасьцявым матчы супраць мадрыдзкага «Рэалу». Амаль усю гульню абаронца правёў у фінале Кубка Гішпаніі 2020—2021 гадоў, у якім «Барсэлёна» лёгка перамагла «Атлетык» і здабыла тытул. 31 ліпеня 2022 году Мінгеса далучыўся да вігаўскай «Сэльты», склаўшы чатырохгадовую ўгоду^[4]. Клюб выдаткаваў на куплю гульца 3 млн эўра^[5].

Міжнародная

Дэбютаваў у складзе нацыянальнай зборнай Гішпаніі 8 чэрвеня 2021 году ў таварыскім матчы супраць зборнай Летувы^[6]. Быў у складзе алімпійскай зборнай краіны на Алімпійскіх гульнях 2020 году, дзе здабыў срэбны мэдаль.

Дасягненьні

«Барсэлёна»:

• Уладальнік Кубка Гішпаніі: 2021

Гішпанія:

• Срэбны мэдаль Алімпійскіх гульняў: 2020