Рабец

Рабе́ц^[1] — пасёлак у Хвойніцкім раёне Гомельскай вобласьці, на поўдзень ад шашы Р35. Рабец уваходзіць у склад Алексіцкага сельсавету.

Рабец
Першыя згадкі:	1909 год
Вобласьць:	Гомельская
Раён:	Хвойніцкі
Сельсавет:	Алексіцкі
Насельніцтва:	14 (2021)
Тэлефонны код:	+375 2346
Паштовы індэкс:	247612
Аўтамабільны код:	3
Геаграфічныя каардынаты:	51°54′47.9″ пн. ш. 29°42′27.2″ у. д.
Рабец на мапе Беларусі Рабец

Гісторыя

Рэчка Рабец на схематычным пляне Рэчыцкага павету 1800 г.

У 1909 г. згаданы фальварак Рабец, які месьціўся ў Юравіцкай воласьці, меў адзін двор і пятнаццаць жыхароў^[2]. У сельскагаспадарчым перапісе 1916 году сказана, што той фальварак належаў Антонію, сыну Фелікса, Лаўрыновічу, а жыло ў ім адзінаццаць чалавек.^[3] Назва паходзіць ад рэчкі Рабец, вядомай яшчэ ад XVI ст.^[4] Пазначана рэчка таксама на схематычным пляне Рэчыцкага павету, складзеным каля 1800 году.

Аднаіменны пасёлак быў заснаваны ў 1920-я гады. Бацька Івана Паўлавіча Мележа пісаў сыну 10 студзеня 1961 г., што ў Глінішчах землеўпарадкаваньне не праводзілася, але – у суседніх Алексічах. Тады з сяла Алексічы ўтварылі тры пасёлкі: Алексічы, Дуброва (ў публікацыі запісана Дуброўна) і Рабец.^[5].

Пасьля скасаваньня Юравіцкага раёну, 8 ліпеня 1931 году тэрыторыя Алексіцкага сельсавету (з Рабцом) увайшла ў склад Хвойніцкага раёну. У тым жа 1931 годзе жыхары ўступілі ў калгас. З 20 лютага 1938 году — у Палескай вобласьці з цэнтрам у Мазыры.

У гады Вялікай Айчыннай вайны 10 жыхароў загінулі на фронце.

З 8 студзеня 1954 году — у Гомельскай вобласьці. Згодна зь перапісам 1959 году, у пасёлку жылі 182 чалавекі. У складзе калгасу «Ленінскі шлях» (цэнтар — вёска Глінішча).

На 2021 год у Рабцу 8 гаспадарак з 14 жыхарамі^[6].

Вядомыя выхадцы

• Васіль Равяка^[a] — Герой Беларусі

Заўвагі

1. Прозьвішча Рэвяка (Равяка) ў Алексічах, выселкам зь якіх быў Рабец, вядома з апісаньня Мазырскага замку 1552 г.^[7]