Ракаўцы (Гарадзенская вобласьць)

Ра́каўцы^[2] — вёска ў Смаргонскім раёне Гарадзенскай вобласьці. Уваходзіць у склад Крэўскага сельсавету. На захад ад вёскі праходзіць дарога М7.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ракаўцы.

Ракаўцы
трансьліт. Rakaŭcy
Краіна:	Беларусь
Вобласьць:	Гарадзенская
Раён:	Смаргонскі
Сельсавет:	Крэўскі
Насельніцтва:	331 чал. (2009)[1]
Часавы пас:	UTC+3
Тэлефонны код:	+375 1592
Паштовы індэкс:	231026
СААТА:	4256827156
Нумарны знак:	4
Геаграфічныя каардынаты:	54°16′40″ пн. ш. 26°19′5″ у. д.
Ракаўцы на мапе Беларусі ± Ракаўцы Ракаўцы

Насельніцтва

• 2009 год — 331 чалавек^[1]
• 1999 год — 409 чалавек

Скарбы

У 1971 годзе каля вёскі школьнік знайшоў скарб з 826 арабскіх манэтаў (срэбныя дырхемы) IX—X стагодзьдзяў. Скарб быў перададзены на захоўваньне ў Інстытут гісторыі Акадэміі навук Беларусі. У 2017 годзе выявілася, што апісаны ў шматлікіх навуковых выданьнях скарб — зьнік бязь сьледу. У Інстытуце гісторыі ня ведаюць калі і куды ён падзеўся^[3].

У 1987 годзе смаргонскі бульдазэрыст выкапаў каля вёскі яшчэ каля 2,5 тысячы дырхем, якія нейкі час трымаў у хаце. Потым выпадкам пра іх даведаліся супрацоўнікі смаргонскага музэю і перадалі скарб у Нацыянальны музэй гісторыі і культуры Беларусі.

Абодва ракавецкія скарбы лічацца найбуйнейшымі знаходкамі арабскіх манэтаў на тэрыторыі Беларусі.