Рутка (Падляскае ваяводзтва)

Ру́тка (па-польску: Rutka, па-падляску: Рутка^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Дубічы Царкоўныя.

Рутка
польск. Rutka
Мясцовая назва:	Рутка
Краіна:	Польшча
Ваяводзтва:	Падляскае
Павет:	Гайнаўскі
Гміна:	Дубічы Царкоўныя
Насельніцтва:	45 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-204
Нумарны знак:	BHA
Геаграфічныя каардынаты:	52°38′5″ пн. ш. 23°32′53″ у. д.
Рутка на мапе Польшчы Рутка

Ля вёскі працякае рака Арлянка.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход Пакровы Божай Маці ў Дубічах Царкоўных). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя. Некаторая частлка жыхароў Ялянкі гэта баптысты і пяцідзясятнікі.

Гісторыя

Рутка ўпершыню ўзгадваецца як частка кляшчэлеўскае воласьці, пераданай у 1568 годзе каралём Жыгімонтам Аўгустам дарагічынскаму падкамораму Станіславу Хандзынскаму. Назва паходзіць ад жалезнай руды, якую выкопвалі над ракой. З 1576 году вядома пра вадзяны млын Ёські над ракой Арлянкай^[3]. У міжваенны пэрыяд Рутка прыналежала да гміны Орля Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 40 жыхароў (усе праваслаўныя беларусы)^[4]. Пасьля Другой сусьветнай вайны Рутка была далучаня да гміны Дубічы Царкоўныя.