Сяргей Ціханоўскі (футбаліст)
беларускі футбаліст From Wikipedia, the free encyclopedia
Remove ads
Сярге́й Іва́навіч Ціхано́ўскі (нар. 26 чэрвеня 1990 году) — беларускі футбаліст, паўабаронца «Віцебску».
Remove ads
Кар’ера
Выхаванец прыватнай футбольнай школы Віктара Дарміна ў Смалявічах. Пачынаў дарослую кар’еру ў складзе дублю барысаўскага БАТЭ, адкуль у 2010 годзе перайшоў у першалігавы «Рудзенск». У 2011 годзе стаў гульцом жодзінскага клюбу «Тарпэда-БелАЗ», разам зь якім дэбютаваў у Найвышэйшай лізе. Аднак замацавацца ў асноўным складзе жодзінцаў ня здолеў, пераважна толькі выходзіўшы на замену. У выніку ў лютым 2013 году пакінуў клюб. Сэзон 2013 году правёў у Першай лізе за «Бярозу-2010».
У сакавіку 2014 году падпісаў кантракт з магілёўскім «Дняпром»[3]. Спачатку трывала гуляў за першую каманду, але потым пачаў радзей трапляць у склад. У кастрычніку 2014 году кантракт з «Дняпром» быў скасаваны па ўзаемнай згодзе бакоў[4]. У сакавіку 2015 году падпісаў кантракт з мазырскай «Славіяй»[5]. Здолеў замацавацца ў якасьці асноўнага апорнага паўабаронцы мазырчукоў. У ліпені 2015 году не гуляў праз траўмы, але пазьней вярнуўся ў асноўны склад.
У студзені 2016 года прыбыў на прагляд у «Слуцак», але не падышоў клюбу. У лютым 2016 году перайшоў у «Віцебск»[6]. У складзе віцебчукоў быў адным з асноўных апорных паўабаронцаў. У сэзоне 2017 годзе часьцей выходзіў на замену. У сакавіку 2018 году падпісаў кантракт з таджыцкім клюбам «Істыклол»[7]. У ліпені 2018 году перайшоў у «Гарадзею»[8] і замацаваўся ў пачатковым складзе. У лістападзе 2018 году падоўжыў кантракт з «Гарадзеяй» на сэзон 2019 году[9]. Сэзон 2019 году пачынаў у асноўным складзе, аднак пазьней часьцей заставаўся на лаўцы запасных. У жніўні 2019 года пакінуў клюб[10]. У жніўні 2019 году падпісаў кантракт зь берасьцейскім «Рухам»[11]. У якасьці трывалага гульца першага складу дапамог камандзе прасунуцца ў Найвышэйшую лігу. У сэзоне 2020 году быў капітанам каманды, але зьяўляўся на полі нерэгулярна. У студзені 2021 году па заканчэньні кантракта пакінуў «Рух»[12].
У студзені 2021 году трэнаваўся з «Крумкачамі», а неўзабаве далучыўся да берасьцейскага «Дынама», зь якім у лютым падпісаў пагадненьне[13]. Хутка замацаваўся ў першай адзінаццатцы берасьцейцаў. У студзені 2022 году далучыўся да трэнаваньняў казаскага «Кызылжару», у лютым афіцыйна ўзмоцніў склад клюбу[14]. Пакінуў каманду ў студзені 2023 году[15]. У сакавіку 2023 году стаў гульцом мазырскай «Славіі»[16]. Гуляў у стартавым складзе, у ліпені выбыў праз траўмы. У кастрычніку вярнуўся на поле, а празь месяц падоўжыў кантракт з клюбам яшчэ на год[17]. У пачатку 2025 году стаў футбалістам «Віцебску»[18][19].
Remove ads
Дасягненьні
- Уладальнік Супэркубка Таджыкістану: 2018
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads