Уладзімер Сянько

Уладзімер Лявонавіч Сянько (нар. 5 жніўня 1946 году ў Вішкавічах, цяпер Віцебская вобласьць) — беларускі палітык і дыплямат.

Уладзімер Сянько лац. Uładzimier Siańko
Міністар замежных справаў Рэспублікі Беларусь
28 ліпеня 1994 — 13 студзеня 1997
Прэзыдэнт	Аляксандар Лукашэнка
Прэм’ер-міністар	Вячаслаў Кебіч, Міхаіл Чыгір, Сяргей Лінг
Папярэднік	Пятро Краўчанка
Наступнік	Іван Антановіч
Амбасадар Рэспублікі Беларусь у Польшчы
3 чэрвеня 1992 — 25 сакавіка 1994
Наступнік	Георгій Таразевіч
Асабістыя зьвесткі
Нарадзіўся	5 жніўня 1946(1946-08-05)[1] (78 гадоў) Вішкавічы, Чашніцкі раён, Віцебская вобласьць
Партыя	Камуністычная партыя Савецкага Саюзу
Адукацыя	Маскоўскі дзяржаўны інстытут міжнародных зносін[1] Дыпляматычная акадэмія МЗС Расеі[d]
Узнагароды	Ганаровая грамата Савету Міністраў Рэспублікі Беларусь (3 красавіка 2006)

У 1973 годзе скончыў Маскоўскі дзяржаўны інстытут міжнародных зносін^[2]. З 1991 году да 15 ліпеня 1992 году быў намесьнікам Міністра замежных справаў^[3]. 3 чэрвеня 1992 году прызначаны Надзвычайным і Паўнамоцным Амбасадарам Рэспублікі Беларусь у Польшчы^[4], адстаўлены 25 сакавіка 1994 году й адначасова прызначаны Надзвычайным і Паўнамоцным Амбасадарам Рэспублікі Беларусь у Аб’яднаным Каралеўстве Вялікае Брытаніі ды Паўночнае Ірляндыі^[5]. 8 чэрвеня 1994 году стаў таксама амбасадарам у Рэспубліцы Ірляндыя і Даніі па сумяшчальніцтве^[6].

З 28 ліпеня 1994 году да 13 студзеня 1997 году быў Міністрам замежных справаў^[7][8]. 17 лютага 1997 году прызначаны Надзвычайным і Паўнамоцным Амбасадарам Рэспублікі Беларусь у Францыі, Гішпаніі і Партугаліі, а таксама Пастаянным прадстаўнікам Рэспублікі Беларусь пры ЮНЭСКА па сумяшчальніцтве^[9]. На гэтых пасадах быў да 7 красавіка 2004 году, калі быў прызначаны амбасадарам у Бэльгіі, Пастаянным прадстаўнікам Рэспублікі Беларусь пры Камісіі Эўрапейскіх супольнасьцяў і Пастаянным прадстаўнікам Рэспублікі Беларусь пры Арганізацыі Паўночнаатлянтычнай дамовы^[10]. 4 лютага 2011 году быў адстаўлены з ўсіх гэтых пасадаў^[11].

З 2012 па 2016 гады — сябар Савету Рэспублікі Нацыянальнага сходу Рэспублікі Беларусь. Старшыня Пастаяннай камісіі Савету Рэспублікі па міжнародных справах і нацыянальнай бясьпецы^[12].

3 красавіка 2006 году ўзнагароджаны Ганаровай граматай Савету Міністраў Рэспублікі Беларусь^[13], 28 верасьня 2016 году — мэдалём «За працоўныя заслугі»^[14].