Целяшы (Магілёўская вобласьць)

Целяшы́^[1] — вёска ў Прапойскім раёне Магілёўскай вобласьці. Уваходзіць у склад Гіжэнскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Целяшы.

Целяшы
трансьліт. Cieliašy
Першыя згадкі:	1776
Краіна:	Беларусь
Вобласьць:	Магілёўская
Раён:	Прапойскі
Сельсавет:	Гіжэнскі
Плошча:	1,168 км²
Насельніцтва:	278 чал. (2011)
Часавы пас:	UTC+3
Тэлефонны код:	+375 2246
Паштовы індэкс:	213242
Нумарны знак:	6
Геаграфічныя каардынаты:	53°37′13.721″ пн. ш. 31°4′16.046″ у. д.
Целяшы на мапе Беларусі ± Целяшы Целяшы

Гісторыя

На мапе 1776 пазначана як «Телеги». У 1783 г. 11 двароў, 104 жыхары. У 1848 сяло Целяшы ў складзе казённага Гарадзецкага маёнтку. У 1858 у вёсцы ўжо існавала драўляная Ільінская царква, другую царкву быццам пабудавалі каля 1861. Адна царква згарэла ў 1933^[2].

Насельніцтва

• 2010 год — 253 чалавекі
• 1999 год — 325 чалавек
• 1926 год — 528 чалавек^[2].

Геаграфія

Геаграфічна вёска знаходзіцца на поўначы Прапойскага раёну.

Прамысловасьць і сельская гаспадарка

У вёсцы знаходзіцца СВК «Рассветовский Агро».

Сацыяльная сфэра

У вёсцы ёсьць Целяшэўская базавая школа, дырэктар — Сьцяпанаў Сяргей Віктаравіч.

Таксама ў Целяшах дзейнічае комплексны прыёмны пункт і фэльчарска-акушэрскі пункт.

Славутасьці

• Братэрская магіла савецкіх воінаў, якія загінулі ў 1943 г. у баях супраць нямецкіх захопнікаў ці памерлі ад ран у шпіталі.
• Помнік землякам, якія загінулі ў Вялікую Айчынную вайну^[3].

Асобы

• Віктар Ракаў, паэт. Нарадзіўся ў Целяшах, працаваў настаўнікам у школе.