Шахцёр Петрыкаў

«Шахцёр» — беларускі футбольны клюб зь Петрыкава, які ладзіць свае хатнія матчы на стадыёне Прыпяць. Закладзены ў 2020 годзе як фарм-клюб салігорскага «Шахцёру».

Шахцёр
Заснаваны	2020
Горад	Петрыкаў, Беларусь
Стадыён	Прыпяць Умяшчальнасьць: 800
Чэмпіянат	—
· 2024	15 месца

Гісторыя

У сьнежні 2019 году стала вядома, што салігорскі «Шахцёр» плянуе заявіць даччыную каманду ў Другую лігу^[1]. У студзені 2020 году галоўным трэнэрам новай каманды стаў Сяргей Нікіфарэнка, які раней працаваў у структуры салігорскага клюбу^[2]. Склад фарм-клюбу ўтварылі ў асноўным былыя рэзэрвісты салігорскага «Шахцёра», таксама былі запрошаныя і іншыя дасьведчаныя футбалісты. Некаторы час каманда рыхтавалася да новага сэзону ў Салігорску, а ў сакавіку 2020 году быў адкрыты новы стадыён «Прыпяць» у Петрыкаве^[3], які і стаў хатнім.

«Шахцёр» адразу стаў адным з фаварытаў Другой лігі. Скончыўшы першую частку першынства 2020 году на другім месцы пасьля магілёўскага «Дняпра», «Шахцёр» упэўнена правёў фінальную частку і заняў другое выніковае месца, якое дазволіла выйсьці ў Першую лігу. У сэзоне 2021 году ў Першай лізе петрыкаўскі «Шахцёр» заставаўся фарм-клюбам салігорскага, аднак камплектаваўся ня толькі салігорскімі, але і іншымі, пераважна маладымі гульцамі. Каманда нестабільна правяла сэзон, чаргуючы пасьпяховыя адрэзкі з правальнымі, у выніку фінішавала ў сярэдзіне, на 7 месцы пры 12 удзельніках.

У сэзоне 2022 году «Шахцёр» хутка апынуўся сярод лідэраў турніру, значны час рухаўся на першым месцы. Каманда ўпэўнена змагалася з аўтсайдэрамі, дзе нярэдка перамагала з вынішчальным лікам, аднак матчы з асноўнымі канкурэнтамі атрымоўваліся горш. У верасьні 2022 году АБФФ афіцыйна паведаміла, што «Шахцёр» як фарм-клюб ня мае права ўзьняцца ў Найвышэйшую лігу^[4], пасьля чаго петрыкаўская каманда прапусьціла наперад асноўных канкурэнтаў і фінішавала на трэцім месцы.

У пачатку 2023 году шмат гульцоў петрыкаўчан далучыліся да асноўнай каманды салігорскага «Шахцёра», як і галоўны трэнэр Станіслаў Сувораў. Склад быў амаль цалкам абноўлены, яго склалі выключна салігорскія выхаванцы з дубля і юнацкіх камандаў. Новым трэнэрам быў прызначаны Сяргей Лушчан, які раней працаваў зь юнакамі салігорцаў. Новая каманда ўжо не магла змагацца за высокія месцы і апынулася ў канцы табліцы. Пад канец сэзону вынікі сталі паляпшацца, але «Шахцёр» ня здолеў узняцца вышэй за 16-е месца пры 17 удзельніках.

Склад

Актуальны на 11 жніўня 2024 году

№ Пазыцыя Імя Год нараджэньня 1 Бр Рустам Гурыновіч 2006 2 Аб Арцём Герасім 2007 3 Аб Данііл Падбярозны 2003 5 Аб Мікіта Коршун 2007 6 Нап Дзьмітры Селіванаў 2004 7 ПА Арцём Смальцар 2005 8 ПА Ягор Барадзін 2007 9 Нап Анатоль Ярмоліч 2005 10 ПА Максім Зыль 2003 11 ПА Арцём Курбачоў 2007 12 Аб Юры Басалыга 2004 14 Аб Сяргей Шаплыка 2004 15 Аб Павал Дубоўскі (капітан) 2005 16 Бр Данііл Котаў 2007 17 ПА Мікіта Шаўла 2006 18 Нап Глеб Варкулевіч 2005

№ Пазыцыя Імя Год нараджэньня 19 Аб Максім Бурко 2004 27 Нап Станіслаў Сьцефановіч 2004 28 Нап Арсень Чакур 2005 29 Нап Раман Сьцесік 2008 35 Бр Ігар Малашчыцкі 2002 80 Аб Георгі Кукушкін 2005 92 Нап Марк Буланаў 2005 99 ПА Аляксей Куроўскі 2006 — Бр Мікіта Доўнар 2006 — Аб Кірыл Цямчык 2005 — ПА Аляксандар Данілаў 2007 — ПА Мікіта Акушка 2007 — ПА Вячаслаў Прыгодзіч 2004 — ПА Ільля Селязьнёў 2007 — ПА Марк Тычко 2006 — Нап Ягор Грывенеў 2006

Статыстыка

Сэзон	Ліга	Месца	Г	В	Н	П	РМ	Пкт
2020	Другая — група Б	2	20	16	1	3	80–16	49
	Другая — фінальны этап	2	10	6	1	3	24–10	19
2021	Першая	7	33	13	7	13	50–56	46
2022	Першая	3	24	13	6	5	69–20	45
2023	Першая	16	32	6	4	22	33–72	22