Ігар Віктаравіч Петрышэнка

Ігар Віктаравіч Петрышэнка (19 кастрычніка 1965, вёска Неглюбка, Веткаўскі раён, Гомельская вобласць) — беларускі дыпламат і дзяржаўны дзеяч.

Ігар Віктаравіч Петрышэнка
Намеснік Прэм’ер-міністра Рэспублікі Беларусь 18 жніўня 2018 — 3 сакавіка 2025
Прэзідэнт	Аляксандр Лукашэнка
Кіраўнік урада	Сяргей Румас Раман Галоўчанка
Папярэднік	Васіль Жарко
Пераемнік	Уладзімір Каранік
Надзвычайны і Паўнамоцны Пасол Рэспублікі Беларусь у Расійскай Федэрацыі 10 верасня 2012 — 18 жніўня 2018
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Папярэднік	Андрэй Кабякоў
Пераемнік	Уладзімір Сямашка
Нараджэнне	19 кастрычніка 1965(1965-10-19) (59 гадоў) Неглюбка, Неглюбскі сельсавет, Веткаўскі раён, Гомельская вобласць, Беларуская ССР, СССР
Адукацыя	Вільнюскае вышэйшае каманднае вучылішча радыёэлектронікі ППА[d] (1986) Ваенны інстытут Міністэрства абароны СССР[d] (1992) Акадэмія кіравання пры Прэзідэнце Рэспублікі Беларусь (1998)

Надзвычайны і Паўнамоцны Пасол Рэспублікі Беларусь у Расійскай Федэрацыі (2012—2018). З 18 жніўня 2018 ^[1] па 3 сакавіка 2025 Намеснік Прэм’ер-міністра Рэспублікі Беларусь.^[2]

Біяграфія

Скончыў з залатым медалём Вільнюскае вышэйшае каманднае вучылішча радыёэлектронікі СПА (1986), з адзнакай — Ваенны Чырванасцяжны інстытут (1992) і Акадэмію кіравання пры Прэзідэнце Рэспублікі Беларусь (1998).

У 1986—1996 гадах праходзіў службу ва Узброеных Сілах на афіцэрскіх пасадах.

У 1996—1999 гадах — дарадца, галоўны саветнік, начальнік дагаворна-прававога ўпраўлення апарату Міністра па справах Садружнасці Незалежных Дзяржаў Апарату Кабінета Міністраў Рэспублікі Беларусь, затым Апарату Савета Міністраў Рэспублікі Беларусь.

У 1999—2001 гадах — начальнік упраўлення міждзяржаўнага супрацоўніцтва Апарату Савета Міністраў Рэспублікі Беларусь. З 2001 года па люты 2003 года — намеснік начальніка галоўнага ўпраўлення міжнароднага супрацоўніцтва і гандлю — начальнік упраўлення міжнароднага супрацоўніцтва Апарату Савета Міністраў Рэспублікі Беларусь.

З лютага па жнівень 2003 года — намеснік начальніка ўпраўлення Расіі і Саюзнай дзяржавы Міністэрства замежных спраў Рэспублікі Беларусь. Са жніўня 2003 года па снежань 2007 года — саветнік Пасольства Рэспублікі Беларусь у Расійскай Федэрацыі. Са снежня 2007 па люты 2008 года — начальнік упраўлення Расіі і Саюзнай дзяржавы Міністэрства замежных спраў Рэспублікі Беларусь. З лютага 2008 года па 2012 год — першы намеснік Міністра замежных спраў Рэспублікі Беларусь.

18 жніўня 2018 года прызначаны Намеснікам Прэм’ер-міністра Рэспублікі Беларусь^[3].

22 лістапада 2019 года прадстаўляў афіцыйную дэлегацыю Беларусі на перапахаванні ўдзельнікаў паўстання 1863—1864 гадоў у Вільні^[4].

У чэрвені 2022 года Петрышэнка трапіў у санкцыйны спіс Канады^[5].

3 сакавіка 2025 года ўзгоднены на пасаду першага намесніка генеральнага сакратара СНД.^[2]

Узнагароды

• медаль «За ўклад у стварэнне Еўразійскага эканамічнага саюза» I ступені (2015)^[6].