Алег Рыгоравіч Еўдакімаў

У Вікіпедыі ёсць артыкулы пра іншых людзей з прозвішчам Еўдакімаў.

Алег Еўдакімаў (нар. 25 лютага 1994, Мінск) — беларускі футбаліст, паўабаронца гродзенскага «Нёмана».

Алег Еўдакімаў
Агульная інфармацыя
Поўнае імя	Алег Рыгоравіч Еўдакімаў
Нарадзіўся	25 лютага 1994(1994-02-25)[1][2] (31 год) Мінск, Беларусь[3]
Грамадзянства	Беларусь
Рост	177 см[4]
Вага	70 кг[3]
Пазіцыя	паўабаронца
Інфармацыя пра клуб
Клуб	Нёман
Нумар	15
Клубная кар’ера[* 1]
2011—2018 Мінск 114 (7) 2014 →  Мінск-2 25 (4) 2019 Нёман (Гродна) 27 (1) 2020—2022 Мінск 61 (3) 2022 Туран (Туркестан) 8 (1) 2023 Дынама (Мінск) 8 (0) 2023— Нёман (Гродна) 13 (2)
Нацыянальная зборная[* 2]
2012 Беларусь (да 19) 3 (1) 2013—2016 Беларусь (да 21) 31 (2) 2017 Беларусь B 1 (0) 2017 Беларусь 2 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 14 лістапада 2017

Клубная кар’ера

З 2011 года выступаў за дубль футбольнага клуба «Мінск». У сезоне 2013 стаў праходзіць і ў асноўны склад каманды. Дэбютаваў за «Мінск» у Вышэйшай лізе 7 ліпеня 2013 года ў матчы з «Нёманам» (2:0). 6 кастрычніка 2013 года забіў свой першы гол за «Мінск», усталяваўшы канчатковы лік у матчы з брэсцкім «Дынама» (3:1).

У міжсезонні 2013/14 гуляў за фарм-клуб «Мінск-2», але сезон 2014 пачаў у дублі «Мінска». У маі 2014 года быў пераведзены ў «Мінск-2», у яго складзе правёў у Першай лізе 25 матчаў і забіў 4 галы.

Пасля сезона 2014 «Мінск-2» спыніў існаванне, і ў студзені 2015 года Алег вярнуўся ў склад «Мінска»^[5]. У сезоне 2015 здолеў замацавацца ў асноўным складзе мінскай каманды на пазіцыі цэнтральнага паўабаронцы. У сезоне 2016 звычайна выступаў у якасці левага паўабаронцы, а ў сезоне 2017 выкарыстоўваўся на розных пазіцыях у цэнтры поля.

У студзені 2019 года падпісаў кантракт з гродзенскім «Нёманам»^[6]. У складзе гродзенскай каманды стаў іграком асновы. У снежні 2019 года па заканчэнні кантракта пакінуў «Нёман»^[7] і неўзабаве вярнуўся ў «Мінск», падпісаўшы аднагадовы кантракт^[8]. Замацаваўся ў аснове сталічнага клуба. У студзені 2022 года падоўжыў кантракт з «Мінскам»^[9].

У ліпені 2022 года пакінуў каманду^[10] і неўзабаве афіцыйна быў прадстаўлены ў якасці іграка казахстанскага «Турана»^[11].

У лютым 2023 года стаў іграком мінскага «Дынама»^[12]. У ліпені 2023 года па пагадненні бакоў разарваў кантракт з дынамаўцамі^[13] і неўзабаве перайшоў у гродзенскі «Нёман»^[14]. У лютым 2024 года падоўжыў кантракт з гродзенскім клубам^[15].

Міжнародная кар’ера

У 2013—2016 гадах выступаў за моладзевую зборную Беларусі.

1 чэрвеня 2017 года дэбютаваў за нацыянальную зборную Беларусі, правёўшы на полі першы тайм таварыскага матча супраць Швейцарыі (0:1). У ліпені 2017 года выступаў за другую зборную Беларусі на Кубку Караля ў Тайландзе.

Дасягненні

• Уладальнік Кубка Беларусі: 2024
• Срэбраны прызёр чэмпіянату Беларусі: 2023

Статыстыка выступленняў

Сезон	Дывізіён	Клуб	Краіна	Матчы	Галы
2011	дубль	Мінск		23	1
2012	дубль	Мінск		18	1
2013	Д1	Мінск		5	1
2014 (пач.)	дубль	Мінск		3	0
2014	Д2	Мінск-2		25	4
2015	Д1	Мінск		25	0
2016	Д1	Мінск		26	3
2017	Д1	Мінск		29	2
2018	Д1	Мінск		29	1
2019	Д1	Нёман		27	1
2020	Д1	Мінск		23	3
2021	Д1	Мінск		23	0
2022 (1)	Д1	Мінск		15	0
2022 (2)	Д1	Туран		8	1
2023 (1)	Д1	Дынама		8	0
2023 (2)	Д1	Нёман		13	2