Аляксандр Мікалаевіч Казакоў

У Вікіпедыі ёсць артыкулы пра іншых людзей з прозвішчам Казакоў.

Аляксандр Мікалаевіч Казакоў (нар. 8 мая 1958(1958-05-08), Жлобін, Гомельская вобласць) — беларускі акцёр тэатра лялек, заслужаны артыст Беларусі (1992).

Аляксандр Мікалаевіч Казакоў
Дата нараджэння	8 мая 1958(1958-05-08) (67 гадоў)
Месца нараджэння	Жлобін, Жлобінскі раён, Гомельская вобласць, Беларуская ССР, СССР
Грамадзянства	Беларусь
Адукацыя	Беларускі дзяржаўны тэатральна-мастацкі інстытут (1979)
Прафесія	акцёр, лялечнік
Тэатр	Беларускі дзяржаўны тэатр лялек
Узнагароды	Заслужаны артыст Беларусі (1992) Крыштальны анёлак (2014)
IMDb	ID 5688056

Біяграфія

Скончыў Беларускі тэатральны мастацкі інстытут (1979). Працуе ў Дзяржаўным тэатры лялек Беларусі з 1979 года^[1].

Яму ўласціва абвостранае пачуццё камедыйнага — ад мяккага гумару да буфанады і гратэску. Многіх сваіх герояў надзяляе рысамі эксцэнтрыкі, выразным пластычным малюнкам. Сярод лепшых роляў: Воўк («Чырвоная шапачка» Я.Шварца), Бармалей («Доктар Айбаліт» В.Карастылёва), Купец («Граф Глінскі-Папялінскі» А.Вольскага), Арлекін, тата Карла («Прыгоды Бураціна ў краіне дурняў» паводле А.Талстога), Гермес («Хачу быць богам» А.Вярцінскага), Бегемот («Майстар і Маргарыта» паводле М.Булгакава), Сымон («Сымон-музыка» паводле Я.Коласа).

Таксама працуе як тэатральны педагог. Выканаў некалькі роляў у кіно.

Узнагароды

• (1992) Заслужаны артыст Рэспублікі Беларусь
• (2014) «Крыштальны анёлак» (прыз Саюза тэатральных дзеячаў Беларусі).

Літаратура

• Казакоў Аляксандр Мікалаевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 412. — 10 000 экз. — ISBN 985-11-0035-8. — ISBN 985-11-0130-3 (т. 7).
• Тэатральная Беларусь : энцыклапедыя : [у 2 т.]. – Мінск, 2002. – Т. 1. – С. 469.
• Выпускнікі Беларускай дзяржаўнай акадэміі мастацтваў (1949–2004) / А. А. Каляда. – Мінск, 2005. – С. 67.
• Культура Беларусі : энцыклапедыя : [у 6 т.]. – Мінск, 2013. – Т. 4. – С. 249.
• Регионы Беларуси : энциклопедия : в 7 т. – Минск, 2012. – Т. 3, кн. 1. – С. 298.
• Республика Беларусь : энциклопедия : [в 7 т.]. – Минск, 2006. – Т. 3. – С. 829.