Анатоль Дзмітрыевіч Харлап

У Вікіпедыі ёсць артыкулы пра іншых людзей з прозвішчам Харлап.

Анатоль Дзмітрыевіч Харлап (нар. 1946, Ваевічы, Бабруйская вобласць) — беларускі дзяржаўны дзеяч, палітык і дыпламат.

Анатоль Дзмітрыевіч Харлап
Міністр прамысловасці Рэспублікі Беларусь 24 мая 1996 — 24 снежня 2003
Прэзідэнт	Аляксандр Лукашэнка
Кіраўнік урада	Сяргей Лінг, Уладзімір Ярмошын, Генадзь Навіцкі, Сяргей Сідорскі
Папярэднік	Уладзімір Куранкоў
Пераемнік	Анатоль Русецкі
Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы 19 лютага 2004 — 13 красавіка 2006
Прэзідэнт	Аляксандр Лукашэнка
Папярэднік	Уладзімір Русакевіч
Пераемнік	Анатоль Тозік
Нараджэнне	1946 Ваевічы, Патоцкі сельсавет, Клічаўскі раён, Бабруйская вобласць, Беларуская ССР, СССР
Адукацыя	Беларускі дзяржаўны ўніверсітэт інфарматыкі і радыёэлектронікі Мінская вышэйшая партыйная школа
Узнагароды	Ганаровая грамата Савета Міністраў Рэспублікі Беларусь (3 красавіка 2006) Заслужаны работнік прамысловасці Рэспублікі Беларусь (14 студзеня 2004)

Біяграфія

Нарадзіўся ў 1946 годзе ў в. Ваевічы Клічаўскага раёна Бабруйскай вобласці.

У 1986—1987 гадах — першы сакратар Фрунзенскага райкама Камуністычнай партыі Беларусі г. Мінска.

У 1987—1996 гадах — генеральны дырэктар Мінскага вытворчага аб’яднання вылічальнай тэхнікі — дырэктар Мінскага завода электронных вылічальных машын імя Арджанікідзэ.

З 24 мая 1996 года да 24 снежня 2003 года быў Міністрам прамысловасці Рэспублікі Беларусь^[1][2].

З 19 лютага 2004 года^[3] па 13 красавіка 2006 года^[4] — Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы.

У цяперашні час з’яўляецца старшынёй Саюза некамерцыйных арганізацый «Канфедэрацыя прамыслоўцаў і прадпрымальнікаў (наймальнікаў)» і старшынёй Рэспубліканскай асацыяцыі прадпрыемстваў прамысловасці «БелАПП»^[5].

Узнагароды

• Заслужаны работнік прамысловасці Рэспублікі Беларусь (2004)^[6];
• ганаровая грамата Савета Міністраў Рэспублікі Беларусь (3 красавіка 2006)^[7].