Андрэй Уладзіміравіч Праневіч

У Вікіпедыі ёсць артыкулы пра іншых людзей з прозвішчам Праневіч.

Андрэй Уладзіміравіч Праневіч (нар. 5 жніўня 1983, Рудзенск, Мінская вобласць) — беларускі фехтавальшчык-калясачнік на шпагах і шаблях. Чэмпіён летніх Паралімпійскіх гульняў 2016 года.

Андрэй Уладзіміравіч Праневіч
Агульная інфармацыя
Пол	мужчынскі пол
Спецыялізацыя	фехтаванне
Нарадзіўся	5 жніўня 1983(1983-08-05) (42 гады) Рудзенск, Рудзенскі пасялковы савет, Пухавіцкі раён, Мінская вобласць, Беларуская ССР, СССР
Грамадзянства	Беларусь
Альма-матар	Полацкі дзяржаўны ўніверсітэт імя Ефрасінні Полацкай
Гады кар’еры	2008 — цяперашні час
Трэнеры	Сямён Сушчын[1]
Спартыўнае званне
Узнагароды і медалі Паралімпійскія гульні Золата Рыа 2016 шпага В Чэмпіянаты свету сярод інвалідаў Бронза Эгер 2015 шпага B Бронза Чхонджу 2019 шпага B Чэмпіянаты Еўропы сярод інвалідаў Золата Страсбур 2014 шпага B Серабро Тэрні 2018 шпага B Дзяржаўныя і ведамасныя ўзнагароды Ордэн Айчыны 3 ступені, Беларусь

Біяграфія і кар’ера

Ураджэнец Рудзенска, ва ўзросце аднаго года з бацькамі пераехаў у вёску Салонікі Полацкага раёна. У 1993 годзе ў час гульняў на будоўлі зламаў пазваночнік, пасля чаго атрымаў інваліднасць I групы^[1].

Спачатку гуляў у тэніс у Полацкім клубе інвалідаў, у 2008 годзе пачаў займацца паралімпійскім фехтаваннем пад кіраўніцтвам С. Я. Сушчына^[1]. З 2011 года ўваходзіць у склад Нацыянальнай паралімпійскай зборнай Рэспублікі Беларусь. Майстар спорту Рэспублікі Беларусь міжнароднага класа па фехтаванні на інвалідных калясках^[1].

У 2013 годзе — сярэбраны прызёр Чэмпіяната Беларусі, у 2016 годзе — чэмпіён Беларусі^[2].

У 2014 годзе паспяхова выступіў на міжанродных спаборніцтвах: у студзені заняў 2-е месца на этапе Кубка свету ў Германіі, у сакавіку — 3-е месца на этапе Кубка свету ў Італіі, у чэрвені — 1-е месца на Чэмпіянаце Еўропы ў Францыі, у жніўні — 2-е месца на этапе Кубка свету ў Польшчы.

На Чэмпіянаце свету 2015 года ў Эгеры выйграў бронзавы медаль у індывідуальным фехтаванні на шпагах^[2].

Выступаючы на XV летніх Паралімпійскіх гульнях 2016 года ў Рыа-дэ-Жанэйра заняў першае месца ў фехтаванні на шпагах, абгуляўшы іракскага фехтавальшчыка Алі Амара з лікам 15:14^[2]. Андрэй Праневіч стаў першым беларускім паралімпійскім чэмпіёнам па фехтаванні.

У 2018 годзе — сярэбраны прызёр Чэмпіяната Еўропы, у 2019 годзе — бронзавы прызёр Чэмпіяната свету ў Карэі.

На пачатак 2021 года займаў першае месца ў сусветным рэйтынгу сярод спартсменаў па паралімпійскім фехтаванні.

На XVI летніх Паралімпійскіх гульнях у Токіа выступаў у фехтаванні на шпагах і шаблях. У матчы за бронзу на шпагах прайграў брытанскаму спартсмену Дзімітру Куцью і заняў 4-е месца, у спаборніцтвах на шаблях завяршыў выступленне паразай у 1/8 фінале і заняў выніковае 10-е месца^[3].

Жыве ў Полацку. Студэнт гуманітарнага факультэта Полацкага дзяржаўнага ўніверсітэта^[4]. Трэніруецца ў Рэспубліканскім цэнтры алімпійскай падрыхтоўкі па паралімпійскіх і дэфлімпійскіх відах спорту.

Узнагароды і званні

Узнагароджаны ордэнам Айчыны III ступені (2016). Удастоены званняў ганаровага грамадзяніна Полацка (2017), «Чалавек года Віцебшчыны-2016» і «Чалавек года Полаччыны-2014»^[4].

Зноскі

1. Мастер спорта международного класса по фехтованию на инвалидных колясках Андрей Праневич – о жизни, золоте и любви (руск.). Республиканская ассоциация инвалидов-колясочников (28 красавіка 2021). Праверана 22 верасня 2021.
2. Андрей Праневич: Я просто ехал фехтовать... (руск.)(недаступная спасылка). Интерфакс-Запад (26 красавіка 2017). Архівавана з першакрыніцы 28 верасня 2021. Праверана 22 верасня 2021.
3. Олимпиада. Паралимпиада. Андрей Праневич не сумел завоевать бронзу в фехтовании на колясках (руск.)(недаступная спасылка). Прессбол (26 жніўня 2021). Архівавана з першакрыніцы 28 верасня 2021. Праверана 22 верасня 2021.
4. Паралимпийский чемпион Андрей Праневич рассказал о подготовке к Играм в Токио-2020, детской травме и безбарьерной среде в Полоцке (руск.). Віцьбічы (10 красавіка 2019). Праверана 22 верасня 2021.