Арсеній Ігаравіч Бандарэнка

Арсеній Бандарэнка (нар. 9 кастрычніка 1995, Мінск) — беларускі футбаліст, абаронца польскага клуба «Лімановія» з Лімановы.

Арсеній Бандарэнка
Поўнае імя	Арсеній Ігаравіч Бандарэнка
Нарадзіўся	9 кастрычніка 1995(1995-10-09)[1] (29 гадоў) Мінск, Беларусь
Грамадзянства	Беларусь
Рост	185 см
Вага	78 кг[2]
Пазіцыя	абаронца
Інфармацыя пра клуб
Клуб	Лімановія
Клубная кар’ера[* 1]
2012—2018 Дынама (Мінск) 0 (0) 2015 →  Бяроза-2010 27 (1) 2016 →  Зорка-БДУ (Мінск) 22 (2) 2017—2018 →  Прамень (Мінск) 44 (4) 2018 Прамень (Мінск) 9 (0) 2019 Дняпро (Магілёў) 28 (1) 2020 Тарпеда-БелАЗ (Жодзіна) 0 (0) 2020 →  Смалявічы 10 (0) 2020 →  Гомель 12 (2) 2021 Смаргонь 9 (2) 2021— Лімановія (Ліманова)
Нацыянальная зборная[* 2]
2012 Беларусь (да 17) 2 (0) 2013 Беларусь (да 19) 3 (0) 2016 Беларусь (да 21) 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 жніўня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 3 красавіка 2018

У Вікіпедыі ёсць артыкулы пра іншых людзей з прозвішчам Бандарэнка.

Клубная кар’ера

З 2012 года пачаў выступаць за дубль мінскага «Дынама», дзе пазней замацаваўся ў складзе. Сезон 2015 правёў у арэндзе ў «Бярозе-2010». Па заканчэнні сезона бярозаўская каманда спыніла існаванне, і малады абаронца ў пачатку 2016 года трэніраваўся з асновай «Дынама», аднак у выніку быў аддадзены ў арэнду ў «Зорку-БДУ».

Да сезона 2017 зноў рыхтаваўся з асноўнай камандай «Дынама», аднак у сакавіку быў аддадзены ў чарговую арэнду, на гэты раз у «Прамень»^[3]. Стаў асноўным абаронцам клуба і дапамог яму атрымаць перамогу ў Першай лізе. У студзені 2018 года арэнда была падоўжаная на сезон 2018^[4]. У жніўні 2018 года перайшоў у «Прамень» на трывалай аснове^[5].

У пачатку 2019 года ў сувязі з пераездам «Промня» ў Магілёў і аб’яднаннем з мясцовым «Дняпром» стаў іграком аб’яднанай каманды, якая атрымала назву «Дняпро». Быў трывалым абаронцам каманды, але не выратаваў яе ад вылету з Вышэйшай лігі.

У лютым 2020 года пасля прагляду падпісаў кантракт з жодзінскім «Тарпеда-БелАЗ»^[6]. Не здолеўшы атрымаць месца ў аснове, пачынаў сезон 2020 у дублі жодзінцаў, і ў сакавіку быў аддадзены ў арэнду ў «Смалявічы»^[7], дзе стаў асноўным абаронцам. У ліпені 2020 года вярнуўся ў з арэнды «Тарпеда-БелАЗ»^[8] і неўзабаве быў пераведзены ў «Гомель»^[9]. У «Гомелі» гуляў у стартавым складзе, дапамог камандзе вярнуцца ў Вышэйшую лігу. У снежні 2020 года пакінуў клуб^[10].

У лютым 2021 года стаў іграком «Смаргоні»^[11], дзе па чарзе выхадзіў у стартавым складзе і заставаўся на лаўцы запасных. У ліпені 2021 года пакінуў клуб^[12].

У жніўні 2021 года падпісаў кантракт з польскім клубам з IV лігі «Лімановія»^[13].

Міжнародная кар’ера

Выступаў за юнацкая зборныя Беларусі. 1 чэрвеня 2016 года згуляў у сваім адзіным матчы за моладзевую зборную Беларусі, выйшаўшы на замену ў другім тайме таварыскага матча супраць Македоніі (1:1).

Дасягненні

• Пераможца Першай лігі чэмпіянату Беларусі: 2017

Статыстыка выступленняў

Сезон	Дывізіён	Клуб	Краіна	Матчы	Галы
2012	дубль	Дынама		16	0
2013	дубль	Дынама		22	0
2014	дубль	Дынама		32	1
2015	Д2	Бяроза-2010		27	1
2016	Д2	Зорка-БДУ		22	2
2017	Д2	Прамень		28	4
2018	Д1	Прамень		25	0
2019	Д1	Дняпро		28	1
2020 (пач.)	дубль	Тарпеда-БелАЗ		2	0
2020 (1)	Д1	Смалявічы		10	0
2020 (2)	Д2	Гомель		12	2
2021 (1)	Д1	Смаргонь		9	2

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[14].