Марыя Веньямінаўна Бярковіч

Марыя Веньямінаўна Бярко́віч (руск.: Мария Вениаминовна Беркович; 26 снежня 1910, Беразіно — 18 жніўня 1993) — беларускі мастак кіно і графік.

Марыя Веньямінаўна Бярковіч
Род дзейнасці	мастак кіно, графік
Дата нараджэння	26 снежня 1910(1910-12-26)
Месца нараджэння	Беразіно, Ігуменскі павет, Мінская губерня, Расійская імперыя
Дата смерці	18 жніўня 1993(1993-08-18) (82 гады)
Грамадзянства	Беларусь
Месца працы	Беларусьфільм
Альма-матар	Беларускі дзяржаўны мастацкі тэхнікум (1931) Маскоўскі дзяржаўны акадэмічны мастацкі інстытут імя В. І. Сурыкава[d] (1939)
Член у	Беларускі саюз мастакоў Беларускі саюз кінематаграфістаў

У Вікіпедыі ёсць артыкулы пра іншых людзей з прозвішчам Бярковіч.

Біяграфія

Нарадзілася 13 снежня 1910 года ў мястэчку Беразіно (цяпер Мінская вобласць)^[1].

Удзельнічала ў мастацкіх выставах з 1927 года. У 1931 годзе скончыла Віцебскі мастацкі тэхнікум, у 1939 — Маскоўскі інстытут выяўленчых мастацтваў, дзе навучалася ў А. Ганчарова і У. Фаворскага^[1]. Да Вялікай Айчыннай вайны працавала ў асноўным у галіне ілюстрацыі^[2].

У 1954—1976 гадах працавала мастаком па касцюму на кінастудыі «Беларусьфільм»^[2].

Член Беларускага саюза мастакоў з 1963 года^[1], член Беларускага саюза кінематаграфістаў з 1964 года^[3].

Памерла 19 жніўня 1993 года^[1].

Творчасць

Працавала як мастак кіно і ў галіне станковай графікі (акварэль, гуаш, аловак, манатыпія). Сярод асноўных прац — эскізы касцюмаў да фільмаў «Несцерка» (1954)^[1], «Міколка-паравоз» (1956)^[2], «Чырвонае лісце» (1958), «Апавяданні пра юнацтва» (1959), «Апошні хлеб» (1963), «Запомнім гэты дзень» (1966)^[1], «Шчаслівы чалавек» (1969)^[2], «Крыніцы»^[1] і інш.

Сярод яе твораў ёсць і лірычныя пейзажы, серыя лістоў у тэхніцы акварэлі і гуашы на вытворчую тэму «Барысаўская запалкавая фабрыка імя С. М. Кірава» (1949)^[2], шэраг графічных прац: «Пасля вайны на вёсцы», «Ля возера», «Новы Мінск», «На беразе», а таксама серыі «Барысаўская фабрыка запалак» і «Беларускія пейзажы»^[1]. Аўтар акварэльных пейзажаў Мінска, Раўбічаў, Рыжскага ўзмор’я і інш^[2].

Яе творы захоўваюцца ў Нацыянальным мастацкім музеі Беларусі^[1].