Вільчанка

Вільчанка, Ві́льча, Дзягця́рка, Велічанка, Верчанка, Вейна^[1] — рака ў Магілёўскім раёне Магілёўскай вобласці Беларусі, левы прыток ракі Дняпро.

Вільчанка
Характарыстыка
Даўжыня	22 км
Басейн	158 км²
Вадацёк
Выток
• Месцазнаходжанне	каля вёскі Палетнікі
• Каардынаты	53°50′52,40″ пн. ш. 30°18′07,40″ у. д.HGЯO
Вусце	Дняпро
• Месцазнаходжанне	за 2 км ад вёскі Вільчыцы
• Каардынаты	53°42′35″ пн. ш. 30°18′24″ у. д.HGЯO
Ухіл ракі	0,9 м/км
Размяшчэнне
Водная сістэма	Дняпро → Чорнае мора
Краіна	Беларусь
Рэгіён	Магілёўская вобласць
Раён	Магілёўскі раён
выток вусце
— выток, — вусце

Назва

Даўнейшая назва ракі — Вейна^[2]. Паводле Я. Развадоўскага, назва паходзіць з фінскай мовы^[3], ад апелятываў väinä і да т. п.^[4].

На думку К. Бугі, назва балцкага паходжання, параўноўваецца з літоўскім гідронімам Vija, латышскім Vija^[5][6], якія звязаныя з літоўскім vyti «звіваць, скручваць»^[7], з пашыральнікам -n-.

На думку В. Жучкевіча, Вейна — назва-характарыстыка: расчышчанае, «звеянае» месца, гладкае. Назва ракі вытворная ад імя паселішча^[8].

А. Рогалеў тлумачыць гідронім Вейна як роднасны старадаўняму слову вея — «галінка» і дзеяслову віць, бачыць у ім адлюстраванне семантыкі крывізны^[9].

Так жа сама называецца прыток вілейскай Дзвінасы рака Вейніца (< Вейна), прыток дзвінскай Обшы рака Вейна.

Гідраграфія

Даўжыня ракі 22 км. Плошча вадазбору 158 км². Сярэдні нахіл воднай паверхні 0,9 ‰.

Пачынаецца каля вёскі Палетнікі, вусце за 2 км у напрамку на паўднёвы захад ад вёскі Вільчыцы, на 1419^[10] кіламетры ад вусця Дняпра. Адносіцца да Цэнтральна-Бярэзінскага гідралагічнага рэгіёна^[11].

Вадазбор у заходняй частцы Аршанска-Магілёўскай раўніны^[12]. Ад вусця 1,8 км рэчышча каналізаванае. На рацэ 2 сажалкі каля вёсак Навасёлкі і Вільчыцы. Прыток — рака Шчацінка^[13] (злева, упадае ў сажалку Вільчыцы).