Гарошак танкалісты

Гаро́шак танкалісты^[1][2] (Vicia tenuifolia) — від кветкавых раслін роду Гарошак (Vicia) сямейства Бабовыя (Fabaceae).

Гарошак танкалісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Падрод:  Vicilla Секцыя:  Cracca Від:  Гарошак танкалісты
Міжнародная навуковая назва
Vicia tenuifolia Roth, 1788
Сінонімы
Гл. у тэксце
Падвіды
Vicia tenuifolia subsp. atroviolacea (Bornm.) Greuter & Burdet Vicia tenuifolia subsp. dalmatica (A.Kern.) Greuter Vicia tenuifolia subsp. elegans (Guss.) Nyman Vicia tenuifolia subsp. variabilis (Freyn & Sint.) Dinsm. Vicia tenuifolia subsp. villosa (Batt.) Greuter
Ахоўны статус
Выклікаюць найменшыя асцярогі IUCN 3.1 Least Concern : / 19379811
Сістэматыка на Віківідах Выявы на Вікісховішчы ITIS   26358 NCBI   1042229 EOL   703233 GRIN   t:450438 IPNI   525193-1 TPL   ild-7870

Апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796. V. tenuifolia злева на ілюстрацыі

Шматгадовая травяністая расліна 80—200 (100—150^[2]) см даўжынёй. Сцябло прамое, рабрыстае, слаба апушанае. Лісце чаргаванае па даўжыні сцябла, доўгае і складаецца з 10—12^[2] (8—12^[3]) пар лісточкаў. Вось ліста заканчваецца вусікам. Лісточкі размешчаны ў 2 плоскасцях, арыентаваных пад вострым вуглом адзін да аднаго, суцэльныя, гладкія, з завостранай верхавінкай, апушаныя. Кветкі з пяццю пялёсткамі, ліловага або лілова-сіняга колеру, у пазушных гронках даўжынёй 15—20^[3] см. Вяночак 12—15 мм даўжынёй^[4]. Кветканосы з гронкай звычайна амаль удвая даўжэй лісця. Плод — лінейна-падоўжаны струк.

Распаўсюджанне і экалогія

Распаўсюджаны ў большай частцы Еўропы, у Азіі і Паўночнай Афрыцы (Алжыр, Марока)^[5][4][6]. Святлолюбівая расліна, ксерафіт, мезафіт, мезатроф^[7].

Расце на сухіх лугах, стэпавых схілах, у зарасніках — у лесастэпе і стэпе, на ўзлесках і палянах, камяністых россыпах, каля дарог.

Ахоўваецца на тэрыторыі Латвіі, Эстоніі, Валынскай вобласці Украіны, Калужскай вобласці Расіі^[7].

Гаспадарчае значэнне

Гарошак танкалісты перспектыўны ў якасці кармавой расліны ў рэгіёнах з недастатковым увільгатненнем і якасцю глебы^[3]. Па кармавой якасці не саступае люцэрне^[3].

Сінонімы

Паводле сайта The Plant List

• Cracca tenuifolia (Roth) Gren. & Godr.
• Cracca tenuifolia (Roth) Godr. & Gren.
• Vicia antiqua Grossh.
• Vicia boissieri Freyn
• Vicia brachytropis Kar. & Kir.
• Vicia cracca subsp. tenuifolia (Roth) Gaudin
• Vicia cracca var. tenuifolia (Roth) Beck
• Vicia cracca (Roth) Bonnier & Layens
• Vicia tenuifolia subsp. boissieri (Freyn) Radzhi
• Vicia tenuifolia subsp. tenuifolia

Галерэя

• 
  Агульны выгляд расліны
• 
  Сцябло з прылісткамі
• 
  Ліст з лісточкамі
• 
  Суквецце
• 
  Кветка

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 141. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
3. Агроэкологический атлас России и сопредельных стран: экономически значимые растения, их болезни, вредители и сорные растения (руск.)
4. Plants of the World online (нявызн.). (англ.)
5. The Euro+Med PlantBase (нявызн.). (англ.)
6. U.S. National Plant Germplasm System (нявызн.). (англ.)
7. Горошек тонколистный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)