Глеб Аляксандравіч Лапіцкі

Глеб Аляксандравіч Лапіцкі (нар. 29 лютага 1988, Віцебск) — беларускі артыст, культурны дзеяч і дэпутат.

Глеб Аляксандравіч Лапіцкі
Нараджэнне	1988

У Вікіпедыі ёсць артыкулы пра іншых людзей з прозвішчам Лапіцкі.

Біяграфія

Нарадзіўся 29 лютага 1988 года ў горадзе Віцебску^[1].

Скончыў Віцебскую дзяржаўную акадэмію ветэрынарнай медыцыны, Беларускі дзяржаўны ўніверсітэт культуры і мастацтваў, Акадэмію кіравання пры Прэзідэнце Рэспублікі Беларусь^[1].

Працаваў артыстам-вакалістам Віцебскай абласной філармоніі; асістэнтам кафедры ўнутраных незаразных хвароб; кіраўніком харавога калектыву дома культуры; мастацкім кіраўніком дома культуры Віцебскай дзяржаўнай акадэміі ветэрынарнай медыцыны; намеснікам начальніка галоўнага ўпраўлення па грамадскай працы, начальнікам упраўлення па распрацоўцы і рэалізацыі спецыяльных праектаў галоўнага ўпраўлення па культуры і грамадскай працы, начальнікам галоўнага ўпраўлення па культуры і грамадскай працы апарата Савета Федэрацыі прафсаюзаў Беларусі^[1]. Генеральны дырэктар цэнтра культуры “Віцебск”, дырэктар Міжнароднага фестывалю мастацтваў «Славянскі базар у Віцебску»^[1].

Дэпутат Віцебскага гарадскога Савета дэпутатаў 28-га склікання^[1].

Дэлегат IV і VI Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Віцебскай вобласці (вылучаны ад Віцебскага, Гарадоцкага, Лёзненскага і Шумілінскага раёнаў)^[1]. Член Пастаяннай камісіі Савета Рэспублікі па адукацыі, навуцы, культуры і сацыяльным развіцці^[1].

Узнагароды

Мае падзячнае пісьмо Прэзідэнта Рэспублікі Беларусь.

Удастоены ганаровых званняў «Чалавек года Віцебшчыны», «Віцябчанін года»^[1].

Узнагароджаны ганаровымі граматамі Міністэрства культуры, Міністэрства інфармацыі, Міністэрства прамысловасці, Савета Федэрацыі прафсаюзаў Беларусі, Віцебскага аблвыканкама, упраўлення Камітэта дзяржаўнай бяспекі па Віцебскай вобласці, Віцебскага гарвыканкама, Віцебскага гарадскога Савета дэпутатаў; падзякамі Федэрацыі прафсаюзаў Беларусі; юбілейнымі медалямі «75 гадоў вызвалення Беларусі ад нямецка-фашысцкіх захопнікаў», «115 гадоў прафсаюзнаму руху Беларусі»; знакам МУС «За садзейнічанне», нагруднымі знакамі Дэпартамента аховы МУС, БРСМ^[1].