Дарашэвічы

Дарашэ́вічы^[1] (трансліт.: Daraševičy, руск.: Дорошевичи) — вёска ў Петрыкаўскім раёне Гомельскай вобласці. Уваходзіць у склад Ляскавіцкага сельсавета.

Вёска Дарашэвічы Краіна Беларусь Вобласць Гомельская Раён Петрыкаўскі Сельсавет Ляскавіцкі Каардынаты 52°06′59″ пн. ш. 28°12′54″ у. д.HGЯO Насельніцтва ▼62 чал. (2019) Часавы пояс UTC+3 Тэлефонны код +375 2350 Паштовыя індэксы 247946 Аўтамабільны код 3 СААТА 3243812021 Дарашэвічы Дарашэвічы

Дарашэвічы на Вікісховішчы

Гісторыя

У сярэдзіне XVIII ст. буйны маёнтак Снядзін з прыналежнымі вёскамі (Дарашэвічы, Лобча, Паўлінаў, Судзібар, Засоп’е і інш.) належаў каталіцкаму ордэну езуітаў. Пасля скасавання ордэна езуітаў у Рэчы Паспалітай маёнтак перайшоў ва ўласнасць магнатаў Масальскіх.

У 1807 г. новагародскі падкаморы Антон Нестар Кеневіч (1775—1822) і Казімір Рудзяеўскі купілі маёнтак Снядзін (Снядзін, Лобча і Дарашэвічы) у графіні Гелены Патоцкай (з роду Масальскіх). У 1808 г. маёнтак Снядзін быў падзелелы паміж набыўцамі. З часу фальварак Дарашэвічы належаў Кеневічам фактычна да 1920 г., калі Кеневічы ў выніку нацыяналізацыі бальшавікамі страцілі ўсе свае маёнткі, прадпрыемствы і палацы, якія апынуліся на савецкім баку ў БССР пасля Рыжскага мірнага дагавора (1921). Самі Кеневічы пераехалі на сталае жыхарства ў Польшчу.

Да 20 лютага 1975 года ўваходзіла ў склад Ляскавіцкага сельсавета^[2], з 20 лютага 1975 года па 24 мая 1978 года ў складзе Брынёўскага сельсавета, пасля перайменавання якога зноў у Ляскавіцкім сельсавеце.

Славутасці

• Парк пры былой сядзібы Кеневічаў (канец ХIХ стагоддзя). —  Гісторыка-культурная каштоўнасць Беларусі, шыфр 313Г000563шыфр 313Г000563

Страчаная спадчына

Сядзіба Кеневічаў у пачатку XX ст.

Капліца. 1914

• Сядзіба Кеневічаў (1840-я). Знішчана ў час Вялікай Айчыннай вайны.
• Капліца-пахавальня Кеневічаў у рэстраспектыўна-гатычным стылі.

Вядомыя асобы

• Антоній Геранімавіч Кеневіч (1877—1960) — буйны землеўласнік, старшыня кіраўніцтва Варшаўскага таварыства дабрачыннасці (1930—1942)
• Геранім Кеневіч (1867—1925) — буйны землеўласнік, прадпрымальнік, палітычны дзеяч
• Стэфан Кеневіч  (польск.) (1907—1992) — польскі гісторык і архівіст
• Яўгеній Іванавіч Чыжык (нар. 1938) — беларускі спецыяліст у галіне машынабудавання. Кандыдат тэхнічных навук (1972), прафесар (1993).