Дзіванна джунгарская

Дзіва́нна джунгарская^[1] (Verbascum songaricum) — від кветкавых раслін з роду Дзіванна (Verbascum) сямейства Залознікавыя (Scrophulariaceae).

Дзіванна джунгарская
Агульны выгляд расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Залознікавыя Трыба:  Scrophularieae Род:  Дзіванна Від:  Дзіванна джунгарская
Міжнародная навуковая назва
Verbascum songaricum Schrenk, 1841
Сістэматыка на Віківідах Пошук выяў на Вікісховішчы NCBI   1685578 EOL   2899734 GRIN   t:102314 IPNI   770139-1 TPL   kew-2453112

Батанічнае апісанне

Двухгадовая^[1] травяністая расліна вышынёй 150—200 см з прамастойным адзіночным сцяблом, укрытая лямцавым, попельна-шэрым апушэннем. Лісце чаргаванае па даўжыні сцябла і ў прыкаранёвай разетцы, простае, суцэльнае. Кветкі з 5 пялёсткамі жоўтага колеру з чырванаватым адценнем, па 2—7 у галінастым мяцёлчатым суквецці. Плод — каробачка.

Распаўсюджанне і экалогія

Расліна распаўсюджана на тэрыторыі Малой (Іран, Ірак, Турцыя) і Сярэдняй (Казахстан, Таджыкістан, Туркменістан, Узбекістан) Азіі, на Каўказе (Арменія, Азербайджан) і ў Кітаі^[2]. Расце ў горных стэпах і лугах, горных хмызняках, на камяністых россыпах, па берагах вадаёмаў, каля дарог, на аблогах і пустках, у садах і агародах^[3]. Святлолюбівая расліна, ксерафіт, мезафіт і мезатроф^[3]. Цвіце на другі год жыцця ў ліпені—жніўні^[1]. Плады паспяваюць ў жніўні—верасні^[1]. Размнажаецца насеннем^[1].

Выкарыстанне

Лекавая і дэкаратыўная расліна.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Germplasm Resources Information Network (GRIN-Taxonomy) (англ.)
3. Коровяк джунгарский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)