Дзіцячы атлас Беларусі. Замкі, крэпасці, бажніцы

«Дзіцячы атлас Беларусі. Замкі, крэпасці, бажніцы» — кніга, прысвечаная помнікам беларускай архітэктары^[1]; навукова-папулярнае выданне. Выдадзена ў выдавецтве «Мастацкая літаратура» ў 2019 годзе. Аўтар тэксту і ўкладальнік — Яраш Малішэўскі. Рэдактар — А. В. Спрынчан.

Дзіцячы атлас Беларусі. Замкі, крэпасці, бажніцы
Жанр	Навукова-папулярнае выданне
Аўтар	Яраш Малішэўскі
Мова арыгінала	беларуская
Асобнае выданне	2019 г.
Выдавецтва	Мастацкая літаратура
Колькасць старонак	80
Афармленне	Мастацкі рэдактар: В. А. Макаранка
ISBN	978-985-02-1898-8

Змест

Кніга з’яўляецца своеасаблівай ілюстраванай энцыклапедыяй^[2]. У кнізе прадстаўлены 101 помнік беларускага дойлідства^[3] — старажытныя замкі, мураваныя крэпасці, каменныя і драўляныя бажніцы — касцёлы, цэрквы, мячэці, сінагогі^[4]. У атласе змешчаны як існуючыя помнікі, так і даўно зруйнаваныя, але адноўленыя ў малюнках^[5].

Матэрыял у кнізе пададзены ўпарадкавана, па абласцях – для лягчэйшай арыентацыі^[4].

У кнізе прадугледжана магчымасць адзначыць мясціны, у якіх ужо пабывалі, — зафарбаваўшы сэрца, якое намалявана каля кожнага помніка архітэктуры^[2].

Прэзентацыя

17 мая 2019 года ў мінскай бібліятэцы імя Цёткі адбылася прэзентацыя кнігі. На прэзентацыі прысутнічала шмат цікавых гасцёў — беларускія літаратары, музыканты, гісторыкі, журналісты. Многія з іх так ці інакш звязаны з мясцінамі, пра якія гаворыцца ў кнізе. Яны расказалі свае гісторыі, звязаныя з гэтымі мясцінамі і помнікамі, пра якія ўзгадана ў кнізе. Сярод выступоўцаў былі галоўны рэдактар «Мастацкай літаратуры» Віктар Шніп, мовазнавец Юрый Пацюпа, паэт і журналіст Міхась Скобла, паэтэса і этнакультуролаг Антаніна Хатэнка, гісторык-архівіст Вольга Бабкова, рэстаўратар Ігар Сурмачэўскі, гісторык мастацтва Галіна Флікоп-Світа. Музычную атмасферу стваралі сам Яраш Мальшэўскі, юная цымбалістка Альжбэта Малішэўская-Спрынчан, музыка Піт Паўлаў і фолк-гурт «Астроўна»^[2]. Галоўны рэдактар «Мастацкай літаратуры» Віктар Шніп зазначыў, што гэтая кніга — найлепшая з усіх выдадзеных за апошні час выдавецтвам^[2].

27 мая 2019 года кніга была прэзентавана на мінскіх курсах «Мова нанова»^[3].

Прэзентацыя кнігі ў бібліятэцы ім. Цёткі
	Яраш Малішэўскі і вядучая прэзентацыі Аксана Спрынчан		Віншаванні ад гал. рэд. выд. «Мастацкая літаратура» В. Шніпа		Піт Паўлаў, Яраш Малішэўскі і Аксана Спрынчан

Літаратура

• Грушэцкі А. З атласам замкаў па Беларусі // Літаратура і мастацтва : газета. — Мн.: РВУ «Звязда», 31 мая 2019. — В. 5027. — № 21. — С. 6. Архівавана з першакрыніцы 7 чэрвеня 2019.
• Рублеўская Л. Замки и мифы: Яраш Малішэўскі. Дзіцячы атлас Беларусі. Замкі, крэпасці, бажніцы // СБ. Беларусь сегодня : газета. — Мн.: Адміністрацыя Прэзідэнта РБ, 17 мая 2019. — В. 25728. — № 90. — С. 16.

Спасылкі

Зноскі

1. Дзіцячы атлас Беларусі. Замкі, крэпасці, бажніцы (нявызн.). УП «Академическая книга» (22 верасня 2019). Праверана 30 мая 2019.
2. Грушэцкі А.. 101 цуд Беларусі ў адной кнізе (нявызн.). Новы Час (18 мая 2019). Архівавана з першакрыніцы 3 чэрвеня 2019. Праверана 30 мая 2019.
3. Яраш Малішэўскі прэзентаваў дзіцячы атлас Беларусі на „Мове-нанова” (нявызн.)(недаступная спасылка). Радыё Рацыя (27 мая 2019). Архівавана з першакрыніцы 3 чэрвеня 2019. Праверана 3 чэрвеня 2019.
4. Грушэцкі А.. З атласам замкаў – па Беларусі (нявызн.). Літаратура і мастацтва. Архівавана з першакрыніцы 7 чэрвеня 2019. Праверана 7 чэрвеня 2019.
5. Рублеўская Л.. Яраш Малішэўскі. Дзіцячы атлас Беларусі. Замкі, крэпасці, бажніцы (нявызн.). СБ. Беларусь сегодня (17 мая 2019). Праверана 3 чэрвеня 2019.