Дзмітрый Мікалаевіч Жураўлёў

Дзмітрый Мікалаевіч Жураўлёў (20 мая 1915, г. Жлобін, цяпер Гомельская вобласць — 1 сакавіка 1988) — беларускі музыказнавец, кантрабасіст. Заслужаны дзеяч культуры БССР (1968).

Дзмітрый Мікалаевіч Жураўлёў
Дата нараджэння	20 мая 1915(1915-05-20)
Месца нараджэння	Жлобін, Лукаўская воласць[d], Рагачоўскі павет, Магілёўская губерня, Расійская імперыя
Дата смерці	1 сакавіка 1988(1988-03-01) (72 гады)
Род дзейнасці	музыказнавец, кантрабасіст
Месца працы	Нацыянальны акадэмічны народны аркестр Рэспублікі Беларусь імя Іосіфа Жыновіча Сімфанічны аркестр Белрадыёцэнтра Дзяржаўны акадэмічны сімфанічны аркестр Рэспублікі Беларусь Першы Нацыянальны канал Беларускага радыё
Альма-матар	Беларуская дзяржаўная кансерваторыя імя А. В. Луначарскага (1947)
Член у	БСТД Беларускі саюз кампазітараў
Узнагароды

У Вікіпедыі ёсць артыкулы пра іншых людзей з прозвішчам Жураўлёў.

Біяграіфя

З 1931 года ў Беларускім ансамблі народных інструментаў і сімфанічным аркестры Беларускага радыё, у 1937—1960 гадах (з перапынкам) у сімфанічным аркестры Беларускай філармоніі. Вучыўся ў 1944—1947 гадах у Беларускай кансерваторыі. З 1956 года рэдактар, у 1964—1970 гадах галоўны рэдактар музычнага вяшчання Беларускага радыё.

Член Беларускага саюза тэатральных дзеячаў з 1966 года, член Беларускага саюза кампазітараў з 1967 года.

Навуковая дзейнасць

Аўтар даведнікаў «Кампазітары Савецкай Беларусі» (1966) і «Саюз кампазітараў БССР» (1978), біяграфічных нарысаў пра Л. Абеліёвіча, М. Аладава, Г. Вагнера, Дз. Лукаса, І. Любана, П. Падкавырава, Р. Пукста, Ю. Семяняку, А. Туранкова, Я. Цікоцкага, М. Чуркіна, творчых партрэтаў майстроў сцэны, у т.л. Л. Александроўскай, З. Бабія, С. Данілюк, М. Дружыны, С. Друкер, М. Зюванава, В. Мальковай, В. Чарнабаева, больш за 300 музычных тэлевізійных і радыёперадач.

Зноскі