Дзяржаўны акадэмічны сімфанічны аркестр Рэспублікі Беларусь

Дзяржаўны акадэмічны сімфанічны аркестр Рэспублікі Беларусь — сімфанічны аркестр у Беларусі.

Дзяржаўны акадэмічны сімфанічны аркестр Рэспублікі Беларусь
Жанр	класічная музыка
Гады	з 1928
Краіна	Беларусь
Горад	Мінск
Кіраўнік	Аляксандр Міхайлавіч Анісімаў
philharmonic.by

Гісторыя

Створаны ў 1928 годзе ў Мінску пры Беларускім радыёцэнтры на аснове аркестраў Беларускага музычнага тэхнікума і БДТ-1. З 1930 года ў штаце радыёцэнтра, з 1937 года ў складзе Беларускай філармоніі. З 1961 года Дзяржаўны сімфанічны аркестр БССР, з 1980 года акадэмічны.

Рэпертуар

У рэпертуары творы рускіх і зарубежных кампазітараў-класікаў, сучасных кампазітараў, сімфанічныя і вакальна-сімфанічныя творы беларускіх аўтараў, у т. л. Л. Абеліёвіча, М. Аладава, У. Алоўнікава, А. Багатырова, С. Бельцюкова, У. Будніка, Г. Вагнера, В. Войціка, Я. Глебава, У. Дарохіна, В. Капыцько  (руск.), С. Картэса, В. Кузняцова, А. Мдывані, П. Падкавырава, Я. Натаўскага, Р. Пукста, Дз. Смольскага, А. Хадоскі, К. Цесакова, Я. Цікоцкага, М. Чуркіна і інш.

Вядомыя дырыжоры і музыканты

У розны час у аркестры працавалі дырыжоры А. Бяссмертны, І. Гітгарц, М. Міхайлаў, І. Мусін, Т. Каламійцава, М. Шнейдэрман, Б. Афанасьеў  (руск.), В. Дуброўскі, В. Катаеў, Ю. Яфімаў  (руск.), П. Д. Панэл  (фр.); канцэртмайстар Ю. Гершовіч. салісты-інструменталісты С. Асновіч і Г. Клачко (скрыпка), В. Волкаў (труба), Г. Забара (кларнет), П. Кірыльчанка (альт), Б. Скабло (віяланчэль), С. Сяргеенка (флейта), В. Фралоў (габой), Ч. Юшкевіч (валторна), Л. Гарэлік (скрыпка).

З аркестрам выступалі вядомыя расійскія і заходне-еўрапейскія дырыжоры А. Гаўк  (руск.), Дз. Кітаенка  (руск.), Я. Мравінскі, Н. Рахлін  (руск.), Ю. Сіманаў  (руск.), У. Федасееў, Ю. Цемірканаў, К. Зандэрлінг  (руск.), К. Мазур  (руск.), К. Эстэррайхер  (руск.), піяністы Л. Аборын  (руск.), Э. Гілельс  (руск.), К. Ігумнаў  (руск.), Г.  (руск.) і С. Нейгаўзы  (руск.), С. Рыхтэр, П. Серабракоў, Я. Фліер  (руск.), Б. Джайніс  (руск.), Х. Л. Клайберн, Дж. Огдан  (руск.), Д. Полак  (англ.), Г. Чэрны-Стэфаньская, скрыпачы І. Бязродны  (руск.), Л. Коган, Д. Ойстрах, М. Палякін  (руск.), М. Эрдэнка  (руск.), І. Менухін  (руск.), І. Стэрн і інш.

Сярод аркестрантаў (1997): Р. Ігнацьеў (кларнет), В. Ціхевіч (флейта).

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).
• Государственный академический симфонический оркестр Республики Беларусь Архівавана 8 ліпеня 2016.