Еўропа (Віленскі павет)

Еўро́па, таксама Эўро́па або Айрупе^[1] (літ.: Europa, Airupė) — вёска ў Віленскім раёне Віленскага павета Літвы. Уваходзіць у склад Дукштаўскай сянюніі. Размешчана на паўднёвы ўсход ад Кернава, на поўдзень ад Аляюнцаў.

Вёска
Еўропа
літ.: Europa
Від на вёску
54°51′55″ пн. ш. 24°54′23″ у. д.HGЯO
Краіна	Літва
Павет	Віленскі
Раён	Віленскі
Сянюнія	Дукштаўская
Гісторыя і геаграфія
Часавы пояс	UTC+2, летам UTC+3
Насельніцтва
Насельніцтва	20 чалавек (2021)
Паказаць/схаваць карты
Еўропа
Медыяфайлы на Вікісховішчы

На поўдзень ад вёскі знаходзіцца Аляюнаўскае возера.

Еўропа. Занядбаныя фермы і Аляюнаўскае возера

Гісторыя

У XVIII стагоддзі разам з Гейшышкамі фальварак Еўропа быў уласнасцю езуітаў, уваходзіў у склад Віленскага павета Віленскага ваяводства Вялікага Княства Літоўскага. У 1781 годзе Адукацыйная камісія Рэчы Паспалітай аддала фальварак нашчадкам Юзафа Белазора, скарбніка ўпіцкага, уладальніка блізкіх Белазорышак. З 1794 года ўладанне Рамановічаў^[2].

У выніку трэцяга падзелу Рэчы Паспалітай 1795 года тэрыторыя апынулася ў складзе Расійскай імперыі, у Віленскім павеце.

Пасля 1861 года ў Майшагольскай воласці Віленскага павета, уладанне Нарбутаў^[3]. Маёнтку належалі вёскі Аляюнцы і Пустэльнікі^[3]. У 1866 годзе ў фальварку быў 1 дом, 45 жыхароў каталіцкага веравызнання^[2]. У 1885 годзе Эдвард Нарбут меў у фальварку Еўропа 500 дзесяцін зямлі^[4].

У 1922—1939 гадах вёска Еўропа ўваходзіла ў склад гміны Мейшагола Віленска-Троцкага павета Віленскага ваяводства Польскай Рэспублікі^[5].

Насельніцтва

Дынаміка насельніцтва з 1905 па 2021
1905[6]	1931[7]	1959пер.[8]	1970пер.[8]	1979пер.[9]	1989пер.[10]	2001пер.[11]	2011пер.[12]	2021[13]
18	48	25	19	33	32	24	31	20
Гістаграма дынамікі насельніцтва