Казімір Скірмунт (архітэктар)

У Вікіпедыі ёсць артыкулы пра іншых людзей з імем Казімір Скірмунт.

У Вікіпедыі ёсць артыкулы пра іншых людзей з прозвішчам Скірмунт.

Казімір Маўрыцый Шыман Скірмунт, у расійскай традыцыі Казімір Аляксандравіч Скірмунт (1824—1893) — каталіцкі дваранін-землеўласнік, расійскі архітэктар.

Казімір Скірмунт
Партрэт, напісаны жонкай Геленай Скірмунт у 1850 годзе.
Нараджэнне	27 верасня 1824(1824-09-27)
Смерць	13 красавіка 1880(1880-04-13)[1] (55 гадоў) ці 1893[2]
Месца пахавання	Старыя могілкі ў Пінску
Род	Скірмунты
Бацька	Аляксандр Скірмунт
Маці	Канстанцыя з Сулістроўскіх[d]
Жонка	Гелена Скірмунт
Дзеці	Канстанцыя Скірмунт і Казіміра Браніслава са Скірмунтаў[d]

Біяграфія

Са шляхецкага роду Скірмунтаў герба «Дуб». Сын прадпрымальніка і прамыслоўца Аляксандра Ізідара Скірмунта і Канстанцыі з Сулістроўскіх (1806—1845), дачкі мінскага губернатара Казіміра Сулістроўскага. Акрамя Казіміра ў сям’і было яшчэ 10 дзяцей: пяцёра сыноў і пяцёра дачок.

Казімір Скірмунт як уладальнік маёнтка Калоднае прадстаўляў Пінскі павет у Мінскім губернскім Камітэце паляпшэння сялянскага жыцця (1858), а пасля адмены прыгону ў 1861 г. актыўна працаваў як міравы пасрэднік.

Падчас паўстання 1863 г. ён пакінуў гэтую пасаду і адмовіўся падпісаць «адрас» на імя расійскага імператара, у якім мінская шляхта выказвала сваю адданасць расійскаму прастолу. Быў арыштаваны і змешчаны разам з іншымі былымі міравымі пасрэднікамі, якія таксама адмовіліся ад пасады, у будынку Мінскага шляхецкага схода, а потым высланы ў Кастраму. Як удзельніца паўстання была выслана ў Тамбоў і ягоная жонка, таленавіты скульптар Гелена Скірмунт (1827—1874). Маёнткі падвергліся прымусоваму продажу. Дачку Канстанцыю (1851—1934), якая стане вядомай грамадскай дзяячкай і публіцысткай, выхоўвала бабуля Гартэнзія Скірмунт з Ордаў.

Пасля вяртання са ссылкі ў 1867 г. Казімір, якому не дазволілі застацца на Міншчыне, атрымаў ад бацькі падарунак у выглядзе балаклаўскіх вінаграднікаў і паехаў у Крым. Гелена Скірмунт разам з дачкой Канстанцыяй далучыліся да яго праз два гады.

Магілы Казіміра і Гелены Скірмунтаў

Пахаваны на старых каталіцкіх могілках у Пінску побач з жонкай і цешчай Гартэнзіяй Скірмунт з Ордаў.

Сям’я

У шлюбе з мастачкай Геленай Скірмунт (1827—1874) меў дзяцей^[3]:

• Ірэна (1851—1921), у шлюбе з Астроўскім (1840? — ?)
• Канстанцыя (1851—1934), грамадская дзяячка і «краёвая» публіцыстка.
• Станіслаў (1857—1921).
• Казіміра Браніслава (1865—1938), у шлюбе з Казімірам Ігнацыем Ромерам (1860? — ?).

Творчасць

Будынак былога дваранскага пяцікласнага вучылішча ў 1920-я гг.

• Двухпавярховы мураваны будынак для дваранскага пяцікласнага вучылішча ў Пінску (1852—1853)^[4].

Зноскі

1. Sejm-Wielki.pl — 2002.

   <a href='https://wikidata.org/wiki/Track:Q93482363'></a>
2. http://znadniemna.pl/51481/zabytkowe-cmentarze-w-pinsku-zdjecia-nagrobkow-i-lista-pochowanych/
3. Федорук А. Т. Колодное // Старинные усадьбы Берестейщины (руск.) / А. Т. Федорук; ред. Т. Г. Мартыненко. — 2-е изд. — Мн.: БелЭн, 2006. — 576 с: ил. — 1 500 экз. — ISBN 985-11-0383-7.
4. О Пинской гимназии