Аляксандр Ізідар Скірмунт

Алякса́ндр Ізі́дар Сымонавіч Скі́рмунт (1(21?) студзеня 1799, в. Моладава, Кобрынскі павет, цяпер Іванаўскі раён — 22 ліпеня 1870) — землеўладальнік, прадпрымальнік, прамысловец Расійскай Імперыі і Беларусі. Адзін з першых вынаходнікаў Беларусі, які атрымаў патэнт на вытворчасць (1830).

Аляксандр Ізідар Сымонавіч Скірмунт
Копія партрэта Аляксандра Скірмунта, выкананая Ганнай Ромер з арыгінальнай працы В. Ваньковіча
герб «Дуб»
Маршалак шляхты Пінскага павета 1832 — 1834
Нараджэнне	1798 Моладава, Кобрынскі павет, Гродзенская губерня, Расійская імперыя
Смерць	22 ліпеня 1870(1870-07-22)[1] Майнц-Кастэль[d], Германія
Месца пахавання	Моладава
Род	Скірмунты
Бацька	Шыман Скірмунт[d]
Маці	Альжбета з Ажэшкаў[d]
Жонка	Канстанцыя з Сулістроўскіх[d]
Дзеці	Казімір Скірмунт, Шыман Скірмунт[d], Аляксандр Скірмунт[d], Генрык Скірмунт[d], Канстанцін Скірмунт[d], Зыгмунт Скірмунт[d], Караліна са Скірмунтаў[d], Эмілія са Скірмунтаў[d] і Канстанцыя са Скірмунтаў[d]
Веравызнанне	каталік
Адукацыя	Віленскі ўніверсітэт
Дзейнасць	прадпрымальнік

У Вікіпедыі ёсць артыкулы пра іншых людзей з імем Аляксандр Скірмунт.

Біяграфія

З каталіцкага шляхецкага роду Скірмунтаў, сын Сымона і Эльжбеты з Ажэшкаў^[2]. Скончыў у 1818 годзе фізіка-матэматычны факультэт Віленскага ўніверсітэта, вывучаў хімію і яе выкарыстанне ў вытворчасці ў Германіі, Францыі. У 1832—1834 гадах маршалак пінскі, камергер (1834).

Заснаваў цукровую фабрыку ў Моладаве (1830), суконную і цукровую фабрыкі ў Парэччы (1836), свечачную і цукровую фабрыкі ў Альбрыхтаве, фабрыку сельскагаспадарчых прылад у Дастоеве, паравы млын у Пінску. Займаўся вінаградарствам у Крыме і Італіі.

Сям'я

Жонка Канстанцыя Сулістроўская

У 1823 годзе ажаніўся з Канстанцыяй з Сулістроўскіх (1806—1845), дачкой Казіміра, маршалка шляхты Віленскай губерні і мінскага губернатара, унучкай Алойзы Сулістроўскага, пісара вялікага літоўскага. У шлюбе меў 11 дзяцей^[2][3]:

• Казімір (нар. 1824), удзельнік паўстання 1863—1864 гадоў, за якое быў сасланы ў Сібір, ажаніўся з Геленай са Скірмунтаў;
• Караліна (нар. 1824), жонка Баляслава Скірмунта, маршалка шляхты Пінскага павета;
• Антаніна (нар. 1825);
• Канстанцін (нар. 1828), уладальнік маёнтка Шэметаўшчына;
• Аляксандр (1830—1909), уладальнік маёнтка Парэчча;
• Эмілія (нар. 1833), жонка Калікста Ажэшкі;
• Сымон (1835—1902), уладальнік маёнтка Клетня, мастак;
• Генрык (нар. 1836), уладальнік Моладава;
• Зыгмунт (нар. 1839);
• Канстанцыя;
• Гартэнзія, якая памерла ў маладосці.

Зноскі

1. Aleksander Skirmunt // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
2. Skirmunt Aleksander (1798—1870)(недаступная спасылка)
3. Алесь Смалянчук. Палескія Скірмунты: трагедыя восені 1939 года