Кальварыя (горад)

У паняцця ёсць і іншыя значэнні, гл. Кальварыя (значэнні).

Кальва́рыя (літ.: Kalvarija) — горад у Літве, на беразе ракі Шашупы. Размяшчаецца ў Марыямпальскім павеце, каля мяжы з Польшчай. Цэнтр Кальварыйскага раёна, адносіцца да этнаграфічнага рэгіёну Судовія.

Горад Кальварыя літ.: Kalvarija Герб Краіна  Літва Павет Марыямпальскі Самакіраванне Кальварыйскае Сянюнія Кальварыйская Каардынаты 54°24′53″ пн. ш. 23°13′41″ у. д.HGЯO Заснаваны 1667 Першая згадка 1667 Вышыня цэнтра 131 м Насельніцтва ▲4 025 чал. (1 студзеня 2023)[1] Часавы пояс UTC+2, летам UTC+3 Афіцыйны сайт kalvarija.lt Кальварыя на карце Літвы

Медыяфайлы на Вікісховішчы

Гісторыя

Горад атрымаў сваю назву дзякуючы віленскаму біскупу Юрыю Тышкевічу, які пабудаваў тут у 1640 годзе кальварыю на ўзор іерусалімскай. Па яго загаду тут таксама была пабудавана капліца. Ён запрасіў сюды дамініканцаў, які заснавалі тут свой кляштар. Упершыню паселішча згадваецца з 1667 года, тэрыторыя ўваходзіла ў склад Вялікага Княства Літоўскага. У 27 снежня 1791 года вялікі князь і кароль Станіслаў Аўгуст Панятоўскі надаў Кальварыі магдэбургскае права.

У выніку трэцяга падзелу Рэчы Паспалітай 1795 года Кальварыя адышла Прусіі. У 1807 годзе ўвайшла ў склад Варшаўскага княства, з 1815 года ў складзе Царства Польскага, дзе была цэнтрам гміны Кальварыя Кальварыйскага павета Сувалкаўскай губерні.

З 1918 года ў складзе незалежнай Літвы. З верасня 1939 года да ліпеня 1940 года тут знаходзіўся лагер для інтэрнаваных салдат Войска Польскага. Пасля ўваходу Літвы ў склад СССР гэтыя салдаты былі вывезены ва ўнутраныя раёны СССР.

Насельніцтва

Год Колькасць 2001 5 112 [1] 2002 5 041 [1] 2003 5 026 [1] 2004 5 001 [1] 2005 4 960 [1] 2006 4 907 [1] Год Колькасць 2007 4 826 [1] 2008 4 758 [1] 2009 4 697 [1] 2010 4 590 [1] 2011 4 477 [1] 2012 4 399 [1] Год Колькасць 2013 4 375 [1] 2014 4 349 [1] 2015 4 290 [1] 2016 4 225 [1] 2017 4 093 [2] 2018 3 938 [1] Год Колькасць 2019 3 854 [3] 2020 3 766 [3] 2021 3 982 [1] 2022 3 965 [3] 2023 4 025 [1]